I Love 戟 - 班戟專門店

Open Now

Now Closed

已經食咗好幾年嘅班戟店,今日行行下街忽然想起好耐冇去食,於是特登坐地鐵去到筲箕灣東大街食一食至得。今次我想推介嘅係比較少人叫嘅鹹食班戟~芝士咸牛肉班戟。今日skip lunch, 下晝係幾肚餓嘅,所以一去到就嗌咗呢一個班戟嚟食。呢個班戟好頂到肚,而且熱辣辣,咬落去嗰啖芝士仲會拉cheese,證明店主一啲都唔孤寒,畀足料,真係好好味!至於每次都會叫嘅焦糖燉蛋班戟,完全keep到水準。嗰個焦糖燉蛋外暖而底下雪糕嗰種內冷,可以話外到內充滿層次感,同埋可以一次過達成我兩個願望,就係食焦糖燉蛋同埋食雪糕喇。其實好多食評已經寫過,我都唔多講啦。輕輕提一提,每日焦糖燉蛋班戟嘅數量係有限(我試過太晏去到賣晒,好失望囉!)。不論鹹食定甜食都咁吸引我,我真心講,每隔幾個禮拜就要去食一食,先頂到我個心癮,所以老細係由細睇到我個囡囡大。我認為佢應該送個vip 會藉至得😄。