Video
Read full review
2007-05-13
23 views
星期五一家同媽媽去Jacky開的「囍宴甜藝」食飯預祝母親節，食物做法算特別，味道中上，但service真係唔得！令到我地十分掃興同丟臉，好彩係同屋企人食飯，如果同客、朋友去，真係樣衰到爆！話說「囍宴甜藝」原來有個不明文的規矩係每檯只有1.5小時的用膳時間。我2星期前電話book檯，無人同我講，到星期三我自己打電話去confirm booking，對方亦無mention，到星期五上晝店員打電話來再三confirm，亦無人同我提及。當晚5點半，我行經店外，諗住先睇下有咩special要事先order，店員亦無同我mention每檯只可以坐1.5小時。我5點半睇menu時已問定有無野，尤其係甜品要預留，或者無貨，店員只係講無榴槤，fine，我唔好榴槤，無所謂。點知，7點半準時到達，食到8點半，已經有個waitress過來催，要我地落甜品order，然後再話我地聽只有25 minutes left，如果係得1.5小時，我地肯定唔會幫襯，屋企人食飯梗係傾下計，閒話家常。個姓黃(王？)的Managress仲要話因為舖頭細所以只可以坐1.5小時，又一大堆藉口，但從來唔認為係佢地疏忽做錯！Oh my
話說「囍宴甜藝」原來有個不明文的規矩係每檯只有1.5小時的用膳時間。我2星期前電話book檯，無人同我講，到星期三我自己打電話去confirm booking，對方亦無mention，到星期五上晝店員打電話來再三confirm，亦無人同我提及。當晚5點半，我行經店外，諗住先睇下有咩special要事先order，店員亦無同我mention每檯只可以坐1.5小時。
我5點半睇menu時已問定有無野，尤其係甜品要預留，或者無貨，店員只係講無榴槤，fine，我唔好榴槤，無所謂。
點知，7點半準時到達，食到8點半，已經有個waitress過來催，要我地落甜品order，然後再話我地聽只有25 minutes left，如果係得1.5小時，我地肯定唔會幫襯，屋企人食飯梗係傾下計，閒話家常。個姓黃(王？)的Managress仲要話因為舖頭細所以只可以坐1.5小時，又一大堆藉口，但從來唔認為係佢地疏忽做錯！Oh my god!!! 你之前唔講明，唔係一次喎，我前後電話聯絡過3次，親身去過一次，臨坐低都無講喎！而家話要做2轉就趕我地走，實在過份，態度仲要好差！C'mon!! 如果嫌賺唔夠的話，唔該將定價double、triple，一係白紙黑字明文寫低個半鐘要走，願者上釣！
更加令我嬲的是，有部份甜品order時竟然係剛剛賣晒！有無搞錯，我5點半特意入來問定有無野要reserve，pre-order，而家你話賣晒？仲話想做兩round生意？似係唔想做我生意多D囉！
既然又趕時間，又呢樣無0個樣無，唯有走囉。餐飯由起菜到埋單，1粒鐘都唔知有無，仲慘過去大家樂！
呢間「囍宴甜藝」食物其實只係中上，另外係食環境(其實都好窄)同Jacky的名氣，但咁樣的dinning experience，真係唔去好過！呢個姓黃(王?)的Manageress態度真係一流，一流的反面教材！
5個人未食甜品都食左接近$800，又唔係特別好食，service、態度又差。呢間野係我呢幾年食完最後悔的一餐！
Post