Video
Read full review
2024-12-14
0 views
呢間韓燒🇰🇷🔥其實開左好耐，咁啱之前食飯經過附近見到記得就再黎食下～ 一入到黎已經見到色彩繽紛既壁畫，全部係唔同食材既卡通，有得意既雞🐥、牛🐮、豬🐷同八爪魚🐙，令人感覺開心啲～ 食材方面選擇多，質素都唔錯～(5 😍 係滿分，🤩係半分）牛氣沖天和牛拼盤 🐮 - $458 (好味指數：😍😍😍😍)原本以為個拼盤淨係有唔同牛🐮既部位，原來連唔同產地既都有，啱晒我呢啲鐘意一氣過試晒唔同野既人😌美國上肩胛肉 🐮：係牛肩上面既肉，肌肉纖維相對比較多，口感結實啲但唔會韌，肉汁豐富美國牛小排 🥩：油脂豐富，肉質結實，而且去左骨🦴就啖啖肉咁幾好食😋美國下肩胛：係由肩部到背脊位置既部分，纖維細小，肉質柔軟，油脂適中，味道濃郁～日本A4背峰肉：即係肉眼頂蓋，黎自和牛肉眼🥩上面嫩滑既部位，係和牛🐮入面得大約得1.5~2KG左右，油香同肉味比例平均，甘香鮮味，油花同爽口兼備幾正🤤日本A4上腦肉：呢個部位係唔近腦🧠既😂 上腦肉係指牛後頸、脊骨兩側既肉，肥瘦交錯但會感覺偏瘦啲，細嫩多汁，入口即化～日本A4牛肉眼 🥩：肉質嫩滑，有幾香濃既牛味🐮同埋幾靚既大理石花紋，有幾醇厚既油香🤤韓牛肉眼 🥩：食完和牛就食韓牛🐮，感覺
(5 😍 係滿分，🤩係半分）
牛氣沖天和牛拼盤
$458
0 views
0 likes
0 comments
牛氣沖天和牛拼盤 🐮 - $458 (好味指數：😍😍😍😍)
原本以為個拼盤淨係有唔同牛🐮既部位，原來連唔同產地既都有，啱晒我呢啲鐘意一氣過試晒唔同野既人😌
美國上肩胛肉 🐮：係牛肩上面既肉，肌肉纖維相對比較多，口感結實啲但唔會韌，肉汁豐富
美國牛小排 🥩：油脂豐富，肉質結實，而且去左骨🦴就啖啖肉咁幾好食😋
美國下肩胛：係由肩部到背脊位置既部分，纖維細小，肉質柔軟，油脂適中，味道濃郁～
日本A4背峰肉：即係肉眼頂蓋，黎自和牛肉眼🥩上面嫩滑既部位，係和牛🐮入面得大約得1.5~2KG左右，油香同肉味比例平均，甘香鮮味，油花同爽口兼備幾正🤤
日本A4上腦肉：呢個部位係唔近腦🧠既😂 上腦肉係指牛後頸、脊骨兩側既肉，肥瘦交錯但會感覺偏瘦啲，細嫩多汁，入口即化～
日本A4牛肉眼 🥩：肉質嫩滑，有幾香濃既牛味🐮同埋幾靚既大理石花紋，有幾醇厚既油香🤤
韓牛肉眼 🥩：食完和牛就食韓牛🐮，感覺幾juicy同埋牛味🐮幾濃郁，肉質相對上會緊實啲，各有特色～
澳洲和牛頸脊 🦘：牛頸脊係位於牛頸同肩胛之間既肉，運動量比較多，有適量既油花，肉質鮮嫩爽滑，肉味濃郁～
澳洲和牛舌 🦘👅：質感厚實爽脆有咬口，有幾香濃既牛味🐮同埋夠juicy
生菜
0 views
0 likes
0 comments
生菜 🥬 (好味指數：😍😍😍😍)
如果淨係食肉覺得漏既話，可以喺啲肉蘸左燒肉汁🔥或者豆醬🟡之後，再夾埋清新爽脆既生菜🥬一齊食，可以解膩，口感又豐富啲
0 views
0 likes
0 comments
泡菜蛋 🌶️🥬🥚 (好味指數：😍😍😍😍🤩)
喺個鍋既旁邊店員仲倒左啲泡菜蛋液🌶️🥬🥚，咁就可以一邊等啲肉燒熟🔥，一邊又有蛋🥚可以食住先，酸酸辣辣🌶️又爽口既泡菜🌶️🥬連埋嫩滑香口既蛋🥚幾夾同好食😋，如果想再加蛋漿就加多18蚊
蔘雞湯
$88
0 views
0 likes
0 comments
蔘雞湯 🐥🥣 - $88 (好味指數：😍😍😍😍)
韓國🇰🇷既雞湯🐥🥣同我地既唔同，佢地偏向追求可以解渴同滋補，相對上會清啲，飲落有清香既人蔘味，啲雞🐥既份量幾多，應該有半隻～ 骨🦴同肉好易分開到，細嫩鮮美，有幾香濃既雞味🐥～ 亦有清甜軟腍既洋蔥🧅、香甜明目既杞子🔴同埋軟糯既糯米，豐富又飽肚
蜂蜜原漿米酒
$88
0 views
0 likes
0 comments
蜂蜜原漿米酒 🍯🍶 - $88 (好味指數：😍😍😍😍)
1 set有500ml, 上枱既時候已經見到每隻杯都有一舊方形既蜂巢粒🐝，跟住店員會將銅壺既米酒🍶倒喺杯到，攪一攪就飲得～ 米酒🍶經過發酵之後產生會有氣泡感，感覺會有刺激感，而且加左蜂蜜🍯之後更加香甜同易入口，幾滋潤～
0 views
0 likes
0 comments
韓式配菜
0 views
0 likes
0 comments
韓式配菜
有4款，包括有麻油香味又清爽既芽菜、酸甜多汁既蘿蔔⚪️、清新爽口既紫菜同埋酸酸辣辣既泡菜🌶️🥬，可以消滯開胃🤤
好味指數：😍😍😍😍
推介指數：😍😍😍😍
Post
