泰燒遙 (Closed)

尖沙咀嘅諾仕佛臺真係一搵食既好地方，今次同一班朋友黎到泰燒遙，聽個名都知食泰國菜啦，正宗嘅泰國菜都可以喺度搵到。先黎唔少得泰式生蝦刺身 $128 - 擺位精美，睇見已經流晒口水啦。刺身爽口，加埋泰式醬汁調味，正呀。再黎泰式小食拼盤 $158 - 串燒、蝦餅、春卷、豬頸肉，樣樣都有，點可以唔叫。拼盤有4款唔同醬汁點唔同野食，淨係醬汁都咁講究，又點會唔好食。豬頸肉燒到微焦帶香脆，好香口又juicy。蝦餅好彈牙。冷盤方面，我地揀咗燒遙海中寶 $698 - 海鮮大雜會，有海蝦、青口、聖子、魷魚、扇貝、蜆、螺同埋雞蛋，全部都係凍食。海鮮好新鮮，加埋餐廳自家製嘅醬料，食落少少辣，鮮味更出。鹽焗肉蟹 $388 - 原隻肉蟹經過鹽焗已經好夠味，雖然餐廳有醬料提供，但建議不用點醬，單靠鹽嘅咸味已經帶出到肉蟹鮮味，強烈推介啲款菜式。蟹鉗已拆殼，食落啖啖肉。密沙文咖哩牛肋柳 (配法包) $118 - 都算辣既，牛肋柳肉質啱啱好，法包點咖哩汁嘅食法應該冇人唔知喇.. 法包吸晒香濃咖哩汁，簡直無得輸，我覺得好好食。飛天炒通菜 $75 - 通菜好爽，加左少少辣椒炒，好惹味。泰式火車頭雞肉炒飯 $88 - 熱辣辣嘅