暹 (Under Renovation)

今日同屋企人嚟咗諾士佛台食飯！樓上嘅餐廳見到開咗一間泰國菜，好似幾吸引，就揀咗呢間！串燒沙嗲，當日因為無牛嘅選擇，所以揀咗雞同豬各三串。最近食肉都好小心，驚唔熟，咁岩見到呢啲肉有啲粉嫩，所以再三向職員確認係咪全熟。職員同我地講全消預先炸過，所以唔使擔心。味道方面，預先醃過，所以好入味，而且沙嗲醬偏甜，有花生碎，幾好食。泰式炒金邊粉，份量好大，熱辣辣，都好足料！馬拉盞炒通菜，唔會偏咸。下次黎諾士佛台唔好掛住飲野，睇下上面d餐廳啦！