Papa Joe (Closed)

呢間餐廳位於諾士佛台，店內燈光昏暗，播放住柔和嘅音樂，感覺幾有情調，店內地方亦寬敞，坐得幾舒適。今次已經係第二次黎呢間餐廳，食物質素依然不俗。白酒煮蜆（ $168）酒味不重，蜆既份量較少，反而旁邊既薯條有驚喜，幾鬆脆。龍蝦意粉配墨西哥辣椒蒜蓉汁（ $228 ）大大隻龍蝦喺意粉上面，夠晒搶鏡，意粉韌度適中，辣味同蒜香味夠晒突出。Baby Back Ribs（$218 ）肉質軟淋淋，沾滿醬汁，好juicy，配埋隔離既飯食一流👍🏻最後我哋仲點左兩件cake，賣相不俗，但係一向嗜甜既我， 都覺得太甜喇，所以可一不可再。