Oasis Bar & Grill (Closed)

餐廳位於尖沙嘴諾士佛臺，平日夜晚都多人幫襯。餐廳內有幾個打卡位，我坐既位置係偏黑暗，再有射燈打燈枱面，仲有個電子燭光。巴馬火腿配無花果及合桃沙律 $128擺盤靚，紅紅綠綠，好似個聖誕花圈。巴馬火腿幾好味，仲有我好鍾意既火箭菜。芒果蟹肉牛油果塔$168酸酸地，做starters會開到胃既。芒果＋蟹肉＋牛油一齊係幾有趣既配搭。自家製香脆蝦多士 $88多士真係好脆，中間夾住滑香彈牙既蝦滑。個蝦多士好香，就咁食好味，也可以點沙律醬食。龍蝦汁天使麵伴炭燒大虎蝦及三文魚籽 $158天使麵索晒龍蝦汁好香好好味，大虎蝦肉質都唔錯！冬陰功海鮮扁意粉 $198真係好濃冬陰功味，亦都幾辣。有1粒帶子、3隻蝦、4隻青口等等既海鮮。雖然餐牌寫扁意粉，不過個職員話係用普通意粉。酥炸原隻軟殼蟹蟹肉蟹膏意大利飯 $228酥炸軟殼蟹都幾大隻，有酥炸味。意大飯有好多菇菇。雜莓香濃朱古力撻拌紅莓醬 $108真係好香濃既朱古力，裡面有軟心朱古力，鍾意食朱古力既我覺得好味～Yuzu Sunshine Mocktail $98酸酸甜甜，幾醒神。