Video
Read full review
2006-09-11
8 views
阿K從友人口中得知西環開咗一檔BBQ舖頭，適合好似我垀想食BBQ，但又嫌麻煩嘅人幫襯，於是我地嚮星期六晚就去咗試吓。舖頭面積較細，坐滿都係得大約三十多人左右。我地約七點半去到，舖頭剛剛營業，得小貓三、四隻，以為生意麻麻，點知過咗冇耐就幾乎全埸爆滿，証明有不少街坊都慕名而來。睇完貼在牆上嘅剪報，決定叫咗牛舌、芝士腸、雞肶肉、大蝦、雞腎、粟米、羊半架同埋墨魚丸。食物方面總體嚟講唔錯：牛舌燒到個面有少少脆，爽之餘又有濃烈嘅牛味，鍾意食牛嘅可以一試；大蝦係新鮮燒嘅，有$65、$75同埋$85 三款，我垀嗌咗 $65，都有成八、九吋長。其實蝦本身嘅鮮甜味已經好好食，再加上一啲醃料效果更佳，係一定要食嘅一款；羊架相比之下較失色，好韌，無乜羊味，實在「難能可貴」；其他食品同自己燒嘅分別不大，不過佢地日燒夜燒，技巧比我地高好多，所以係比較好味。有啲食友話有味精，又話太鹹，我就唔多覺，起碼我皮膚冇出紅疹。再睇呢度啲服務，食友眾說紛云，由十分好到十分差都有，等我講番句公道話。呢度嘅服務態度唔錯，但係服務質素好唔掂。先講服務質素方面，佢地完全忽略物流呢個因素，當唔同檯都落咗單嘅時候，佢地唔會理會落單嘅先後問
睇完貼在牆上嘅剪報，決定叫咗牛舌、芝士腸、雞肶肉、大蝦、雞腎、粟米、羊半架同埋墨魚丸。食物方面總體嚟講唔錯：牛舌燒到個面有少少脆，爽之餘又有濃烈嘅牛味，鍾意食牛嘅可以一試；大蝦係新鮮燒嘅，有$65、$75同埋$85 三款，我垀嗌咗 $65，都有成八、九吋長。其實蝦本身嘅鮮甜味已經好好食，再加上一啲醃料效果更佳，係一定要食嘅一款；羊架相比之下較失色，好韌，無乜羊味，實在「難能可貴」；其他食品同自己燒嘅分別不大，不過佢地日燒夜燒，技巧比我地高好多，所以係比較好味。有啲食友話有味精，又話太鹹，我就唔多覺，起碼我皮膚冇出紅疹。
再睇呢度啲服務，食友眾說紛云，由十分好到十分差都有，等我講番句公道話。呢度嘅服務態度唔錯，但係服務質素好唔掂。先講服務質素方面，佢地完全忽略物流呢個因素，當唔同檯都落咗單嘅時候，佢地唔會理會落單嘅先後問題，所以會出現「遲落先得食」嘅情況，我垀就係其中嘅受害者，我地落咗單45分鐘之後，仲未有羊架同粟米，羊架只是要5成熟，同粟米根本唔駛燒咁耐，其他比我垀遲起碼15分鐘嘅都已經食緊羊同粟米，實在要俾黑面嚮呢一環。服務態度唔錯嘅原因係我強烈表達咗我嘅不滿，佢地即時猛咁笑笑口同我講唔好意思。算吧，見他們嘅友善態度，我都唔想有心留難，不過本來係笑臉嘅評價要降為中性。
Post