85度C (Plaza 228)

Open Now

Now Closed

喺灣仔附近返工經過呢度，發現夜晚好光猛開咗間新嘅麵包舖記得以前有好多間，跟住好耐冇見過，而家灣仔都有分店，都幾大間仲有埋台式嘢飲。入面裝修都擺得幾好睇，好似都幾有格調，記得以前就好似啲普通嘅麵包店。買咗杯黑糖珍珠薑奶飲，開張冇耐仲有八折，但係佢啲黑糖珍珠就好甜，下次應該就咁叫薑奶就OK。對於一個鍾意運動，但其實好鍾意食麵包嘅人咁樣擺好好睇好似有好多麵包可以試。呢個係我最鍾意食嘅合桃芝士包，麵包係煙靭啲嗰隻，係一大粒嗰啲芝士，合桃都幾均勻。聽講呢個係新出嘅合桃吉士包，入面甜甜地上面仲有一層少少嘅脆脆，呢隻包合桃都幾多。仲有出邊買到好貴嘅flat croissant!呢度買10幾蚊都算優惠，扁咗嘅牛角包好煙靭，因為我即買即食，所以都好脆。呢隻胚牙麥包好適合做早餐，可以配豆漿或者牛奶，如果女仔覺得朝早太多食唔晒仲可以留返一個下午茶。佢哋都有出多士款，但係蒜蓉味唔算太重，唔鍾意太重口味嘅可以試吓。當然唔少得台灣出品嘅厚吐司，食一塊都超級飽，每一包有三塊，但係留意一下佢係白麵包，如果整料理或者屋企整厚多士嘅話都可以試吓