Video
Read full review
2017-12-21
2086 views
食友都知小弟喜歡意大利嘢，好幾位推介我試試The Point，間唔時都有留意呢間店，主打龍蝦薄餅真喺幾出名，最近先知晌九龍The One商場都有分店，故此，趁周末午市應該客人唔多，專登走過嚟食晏。門面採開放式，加上呢個商場鋪位本身樓底已相當高，故此，空間開揚。全店以墨綠為主色系，配木椅、雲石枱，予人感覺悠閒輕鬆。中間餐區對住水吧及巨型焗爐，見到逢喺烘焗嘅菜式都喺晌度製作。星期六嘅中午，客人群都喺以家庭客居多，而且，果然唔太多客，少份喧鬧，多份寫意。雖然喺午餐，但依度無套餐供應，只得散點。打開巨型餐牌，湯品、沙律、前菜、意大利麵及薄餅，全部一眼睇晒。考慮一下，薄餅喺必點嘅，再加兩客前菜已好夠食。香蒜辣椒白酒煮大蜆 $118如果你都有細心留意，就會發覺啲中蜆唔喺炒完就咁推晒落碟，而喺有心將啲蜆一隻又一隻疊番起，令個外觀更立體有層次。除好睇，亦好食，首要喺蜆肉夠飽滿肥美，入口有肉地，而且鮮甜，輕輕滲出蒜香及酒味，再帶出柔和嘅辣勁，樣樣都恰到好處，令人印象深刻。甜蕃薯條配香辣沙律醬 $68老婆話啲蕃薯條睇落好似炸得稍燶，其實，喺因為有糖份，易上色。啲蕃薯條既甘香，又脆口，夠粉又有薯香，沾點自家
門面採開放式，加上呢個商場鋪位本身樓底已相當高，故此，空間開揚。全店以墨綠為主色系，配木椅、雲石枱，予人感覺悠閒輕鬆。中間餐區對住水吧及巨型焗爐，見到逢喺烘焗嘅菜式都喺晌度製作。
星期六嘅中午，客人群都喺以家庭客居多，而且，果然唔太多客，少份喧鬧，多份寫意。
雖然喺午餐，但依度無套餐供應，只得散點。打開巨型餐牌，湯品、沙律、前菜、意大利麵及薄餅，全部一眼睇晒。考慮一下，薄餅喺必點嘅，再加兩客前菜已好夠食。
香蒜辣椒白酒煮大蜆 $118如果你都有細心留意，就會發覺啲中蜆唔喺炒完就咁推晒落碟，而喺有心將啲蜆一隻又一隻疊番起，令個外觀更立體有層次。除好睇，亦好食，首要喺蜆肉夠飽滿肥美，入口有肉地，而且鮮甜，輕輕滲出蒜香及酒味，再帶出柔和嘅辣勁，樣樣都恰到好處，令人印象深刻。
香蒜辣椒白酒煮大蜆
$118
23 views
0 likes
0 comments
老婆話啲蕃薯條睇落好似炸得稍燶，其實，喺因為有糖份，易上色。啲蕃薯條既甘香，又脆口，夠粉又有薯香，沾點自家調嘅香辣沙律醬，味道立時多變咗。
甜蕃薯條配香辣沙律醬
$68
23 views
0 likes
0 comments
原隻龍蝦薄餅 $298記得大概10年前左右，有一家過江龍叫「喜客比薩」（Shakey's Pizza Restaurant）嘅薄餅專門店，當時推出龍蝦長方形薄餅，成為賣點，可惜後期漸漸消聲匿跡，間唔時都有見零碎薄餅店推出龍蝦薄餅，但似乎成為唔到主流。而今日嚟到The Point，多少都喺為呢道「原隻龍蝦薄餅」而嚟。
主角亮點登場，原隻龍蝦擺晌薄餅之上，賣相搶晒點啦！原以為啲蝦殼擺出嚟純為賣相，做吓樣，點知個蝦頭、蝦身都釀番啲蝦肉入去一齊焗，故先嚟嘅喺爽彈鮮甜嘅龍蝦肉入口。雖然薄餅上已放有龍蝦肉，嫌唔夠多，大可將拆出嘅龍蝦肉放埋晌薄餅度一齊食，實滿足到你。
原隻龍蝦薄餅
$298
18 views
0 likes
0 comments
餐牌已註明成份，包括原隻龍蝦、茴香頭、車厘茄、水牛芝士及海鮮汁。如果有細心留意嘅話，啲餡料會放晌中間而留少少外圍邊位，所以，食到尾嘅邊位特別香脆；而汁底唔喺咩蕃茄、千島……，喺海鮮汁，所以，整件薄餅入口嘅海鮮味都好強，亦因為落咗唔少海鮮汁，薄餅中心位變得腍身啲，個人覺得要諗諗點改良吓；水牛芝士下嘅份量剛好，唔會太搶啲海鮮汁味，所以，整體而言，個龍蝦薄餅真喺幾正。
甜薄餅作為甜點，我哋覺得太重份量，多口問問，晌晚市嘅主餐牌後頁喺有其他甜品，包括意大利芝士餅及朱古力布朗尼餅。
朱古力布朗尼餅 $68果然跟足菜式名「Brownie in a Pan」以小煎鑊呈上，小弟依世人食過唔少布朗尼，亦識得點整，The Point嘅布朗尼可稱得上喺高水準之作。
賣相已經搶分先，布朗尼本身做得挺實，卻唔會硬崩崩，朱古力味超濃郁，餅心更混有脆口嘅合桃；雲呢拿雪糕入口香滑富奶香，夾住布朗尼一齊食，真喺出到冰火嘅效果；而烤香蕉灑咗沙糖以火槍處理，做成薄薄一層脆焦糖，蕉肉又焗到腍透，伴上合桃，味道一流。
朱古力布朗尼餅
$68
13 views
0 likes
0 comments
無論前菜，抑或薄餅、甜品都做得相當出色，每處都感受到廚師嘅用心。雖然，無試到其意大利麵，但相信亦會不俗。加上環境好，服務細心，好似食大蜆，會多上一隻小碗讓我哋放蜆殼，睇我哋差唔多食完主菜，會主動提早問問可以上甜品未，因為布朗尼即做需時。下次，可以帶埋細佬妹嚟試，因為，佢哋都鍾意食薄餅。
Post
