榴蓮王 (Closed)

香港真是臥虎藏龍，廟街有個馬來西亞榴槤專家，原來九年前佢係第一個引入馬來西亞榴槤到香港，馬來西亞榴槤係真係好食但食得比較肉痛，好彩現在入口多咗價錢就親民左。榴槤王間鋪，除咗有榴槤買之外，仲可以食到多款榴槤甜品，近排我食到上癮，$35貓山王白雪米餅，超抵食，裏面有新鮮榴槤肉，口感煙靱。$58 貓山王榴槤卷更加啖啖肉，我唔太分得開貓山王及D24的分別，心理上貓山王更甘香，如果你好似我咁，食D24平$10更抵。最後真心推介紅毛榴槤飲品 $25，味道清甜特別，我相信好多人都未試過。