The Chippy (恆隆銀行大廈) (Closed)

居然開左一間主打英式炸魚薯條，仲聲稱全部食材都由英國入口，品質應該有所保證😏。嚟到先發現原來呢度係foodcourt😮，但職員服務態度一d都唔差，會主動同我地落單、送餐、送餐具等，仲要帶有笑容，比某d要加一餐廳更好!!招牌炸鱈魚薯條 12oz $188我自己對12oz完全無概念，實物長度有我1.5隻手掌，最厚嘅位置都有1.5吋(唔計炸衣)。新鮮熱辣炸出嚟，外層炸衣炸得夠乾身、一d都唔油膩、而且又夠脆，食到最尾都依然脆口，而且唔會好易散開。魚質雖然唔算滑，但無腥味、有魚汁、亦有魚味；由於條魚質素唔錯，個人覺得唔駛點個他他醬，已經好好味。仲有大量粗薯條，只用少少鹽輕輕調味，有薯味；可惜炸得唔均勻，有部分薯條中心未炸透，口感係硬薯仔，非粉糯感，有進步空間。個人覺得呢個炸魚薯條幾高質🙊，雖然售價近$200，但佢根本就係二人份量，即係人均$94，仲要無加一，其實性價比幾高。