孖寶去骨海南雞 (又新街)

Open Now

Now Closed

來食個一個人的午餐，平時都係揀食快餐或茶記，是日來到又新街買野，順便來食個海南雞飯先。海南雞飯套餐加凍飲（＄66），有菜有湯有飯，好豐富呀。例湯係南瓜雞腳湯，好鮮甜，飲完無口渴㗎！主角梗係海南雞飯啦，已經去骨的雞脾。雞件入味又嫩滑，雞皮下又唔肥，食晒都無乜罪惡感，哈哈。個人覺得薑蔥蓉同甜醬油好正，海南雞一定要點醬。油菜大大碟，西生菜同蠔油特別夾。凍檸茶走甜，夠凍無澀味，好飲。好味好味，呢度個海南雞飯真係無得輸。