大滿喜日本料理 (Closed)

約朋友食飯梗係要食放題，兩個男人食咁多野放題係最抵食，所以今次嚟咗大滿喜食返餐勁既。呢度只係一部份嘅嘢飲，其實佢有好多種唔同嘅飲品提供，有汽水、茶類、忌廉溝鮮奶等等。另外仲有好多甜品選擇，我個人就唔係好鍾意食甜品，所以我就冇食到。另外仲提供好多小食可以喺出面自己夾。食放題一定要食刺身，佢哋嘅刺身好新鮮，我哋最鍾意食三文魚，所以一次過叫咗好多，仲叫咗幾round添。其次我哋最鍾意食嘅就係火炙壽司，佢哋嘅火炙三文魚壽司真係好好食，飯團細細舊，食多幾舊都唔會飽。之後梗係要食芝麻雞翼，佢哋嘅芝麻雞翼炸得好脆好香。