茶無齒人 (Closed)

勁勁勁勁勁耐無寫食評喇~~~~!!!! 一來個人比較懶, 二來疫情開始之後少咗出去食飯, 又無膽除罩堂食…. 但今個星期日去咗中環DONKI行街之後, 行下行下就行咗黎上環呢邊. 離遠望到個招牌勁搶眼, 見到個名叫”茶無齒人”  個LOGO樣衰得黎又好搞笑 就行過去睇去佢咩料啦.  原來係間茶飲店   飲品有勁多選擇  仲有好多小食 見到MENU有個”聞西” ?!  好奇問下店員原來係炸芫茜  好想試不過又唔想係街食野, 唯有下次先. 入返正題先~  有選擇困難症既我見到咁多種類既飲品真係好頭痕 最後揀咗好多茶飲店都無既乳酪奶今次試咗杯芒果乳酪奶, 飲落去好rich, 唔會好似其他茶飲店飲緊奶水咁.. 仲有每一啖都咬到芒果果肉, 甜度啱啱好仲可以揀微冰 飲?食? 完好飽肚但好滿足 價錢好合理 去開果邊一定會再試其他飲品同小食 值得一提既係店員都好nice 好有禮貌