蠔站 (將軍澳中心) (Closed)

今日公司開完會，與同事去食中午飯，平時中午都食開，叫幾隻蠔黎過吓癮，話晒仲要工作。今日如常都係叫4隻蠔，點知個貌似譚仔嘅姐姐話4隻邊夠你食呀？應該叫一打…..語氣都十足似去左大排檔咁。我明白，做邊行都要跑數，我都剛開完會比人捽數，但你做得服務業，對客態度可唔可以好少少？我叫得少，你個樣就好似我欠左你咁。同其他同事講返，原來佢地都有類似經歷，原來已經成為左將軍澳名物，真係失覺晒。想講平時夜晚收工都間中會成班同事去食飯，開五六支酒閒閒地，你咁趕客，啲招呼方式咁咄咄逼人，應該都要諗同場嘅其他餐廳聚餐算。