仙滿堂

Open Now

Now Closed

喺呢間店嘅短短3-40分鐘，真係好似發咗場惡夢！1. 職員反覆出錯無論由帶位，去到入座後服務。職員都好多嘢出錯，不停要改單、改餐、做嘢甩漏。情況非常恐怖。2. 運作非常混亂落咗單差唔多半個鐘， 連我哋更遲入座嘅客人點嘅餐都上枱， 佢先走嚟同我哋講冇曬桃膠， 可唔可以轉其他食品？ 咁都算，但職員更擅自將我哋嘅食品由熱食轉為凍食。 落單情況混亂。3. 服務惡劣、環境污糟不斷改單、冇嘢食不特只。食肆環境十分之惡劣。無論枱面、還是地面。全部都係食物碎。無一個職員去清理同理會。同埋後面客人已多次要求比多支餐具， 問完又問， 職員一陣就唔記得咗。咁嘅服務質素都要收10%收費。相信任何一個客人都唔會食得自在。4. 食物質素差我出世至今， 食過最難食嘅芋圓、布丁就係呢度食到。 芋圓臭嘅、布丁硬嘅、紅豆硬嘅、豆腐花怪怪地。總之冇樣嘢正常，好難食。真係貼錢比我，都唔會再去食。我食咗少少已經走咗，冇下次，拜拜。