屋子 (Closed)

睇住餐廳喺將軍澳開店，一直幫襯開 係忠實粉絲，但而家已經唔係我以前心目中嘅屋子了😔以前員工都係年輕人後生仔 但而家所有侍應換晒做大媽，唔係歧視中年女人不可以工作，但無論落單、態度、應對講野等等真係唔掂 好大媽，話晒我都比一舊水食個lunch，質素不成正比喎。以前餐廳嘅文青　氛圍完全消失了。最嬲係食物整體質素都下降，擺盆都係，例如上菜碟崩碗；記得以前飲品係玻璃杯會有隻碟墊住，連同匙羹，但而家唔同了 精緻感消失了食物方面，午市套餐其實價錢同款式冇問題又多選擇。每份餐一定夠你飽肚，要有嘅嘢都有 例如包飲品+湯+主食+甜品，但純粹每樣嘢都求其 唔太好食😇例如所謂嘅甜品就係一pat cream加幾粒戚風蛋糕粒。依個年代仲有人鍾意食cream架咩？食蛋糕見人撥走cream就見得多, 呢個甜品好得意 反而就係大大pat cream總結，我同屋企人一致表示，以前心目中所有嘢都好精緻好有文青氣息好舒服嘅屋子 已經不見了。大大降低幫襯慾望👎🏻．咖喱吉列豚扒烏龍麵 $98吉列豬扒炸得香脆，咖喱湯底麵夠味，麵條彈牙，這個餐冇問題．明太子奶油意粉 $89有明太子，所以味道少少辣，但向來明太子意粉是這樣的味道。敗