Video
Read full review
2023-09-16
1836 views
有食開自助餐都一定聽過2+2，呢個同花月庭差唔多咁出名嘅餐廳原來前排都轉左形，搬左舖，佢而家再唔係自助餐，反而係坐得舒服又好坐嘅西餐廳，走近Fine dining路線，就係上網見到個火焰龍蝦干邑濃湯好elegant。個龍蝦湯有1/2勁新鮮嘅濃蝦肉，係酒店平時a la carte叫一定好貴，佢個湯夾上嘅干邑又濃，不錯的，又係枱枱點。海鮮拼盤勁誇張，出哂白煙上枱，仙氣十足，有波士頓龍蝦、生蠔、南非鮑魚、帶子、虎蝦，勁靚又係個個都叫，可能你會話海鮮拼盤有乜特別，當你見到佢旁邊有勁多醬汁，鮮辣根汁丶辣根茄汁、青欖欖油、 泰式酸辣汁、香辣蛋黄醬，南美香辣醋青醬，將不同嘅醬汁同海鮮mix and match 係幾好玩。前菜的西班牙橡果黑毛豬煙腿(24個月)配日本赤肉蜜瓜，我最欣賞嘅係日本赤肉蜜瓜，好想即刻係生果檔買黎食。唔愛龍蝦嘅朋友點了黑松露泡沫野菌湯，呢個普通素材但又表現幾好。最愛鮮番茄松葉蟹櫻花蝦方形意大利麵係佢嘅意粉底，自家之餘好有咬口，櫻花蝦的香同勁多嘅松葉蟹肉，又唔駛拆，懶人如我最啱。火焰海鹽焗原條海鱸魚，呢個又睇得又食得，又係放哂火，價錢又唔貴，愛海鮮嘅一定要食，勁大條，魚肉嘅溫度同
有食開自助餐都一定聽過2+2，呢個同花月庭差唔多咁出名嘅餐廳原來前排都轉左形，搬左舖，佢而家再唔係自助餐，反而係坐得舒服又好坐嘅西餐廳，走近Fine dining路線，就係上網見到個火焰龍蝦干邑濃湯好elegant。
個龍蝦湯有1/2勁新鮮嘅濃蝦肉，係酒店平時a la carte叫一定好貴，佢個湯夾上嘅干邑又濃，不錯的，又係枱枱點。
海鮮拼盤勁誇張，出哂白煙上枱，仙氣十足，有波士頓龍蝦、生蠔、南非鮑魚、帶子、虎蝦，勁靚又係個個都叫，可能你會話海鮮拼盤有乜特別，當你見到佢旁邊有勁多醬汁，鮮辣根汁丶辣根茄汁、青欖欖油、 泰式酸辣汁、香辣蛋黄醬，南美香辣醋青醬，將不同嘅醬汁同海鮮mix and match 係幾好玩。
前菜的西班牙橡果黑毛豬煙腿(24個月)配日本赤肉蜜瓜，我最欣賞嘅係日本赤肉蜜瓜，好想即刻係生果檔買黎食。
唔愛龍蝦嘅朋友點了黑松露泡沫野菌湯，呢個普通素材但又表現幾好。
最愛鮮番茄松葉蟹櫻花蝦方形意大利麵係佢嘅意粉底，自家之餘好有咬口，櫻花蝦的香同勁多嘅松葉蟹肉，又唔駛拆，懶人如我最啱。
火焰海鹽焗原條海鱸魚，呢個又睇得又食得，又係放哂火，價錢又唔貴，愛海鮮嘅一定要食，勁大條，魚肉嘅溫度同味度都好好。
鹿兒島A4厚燒和牛肉眼配烤虎蝦，舊和牛靚就一定，油份強，入口即溶，而個肉眼邊燒得好好，加上那隻大虎蝦都叫人吃得開心。
甜品吃了三款，榛子軟糕，朱古力心太軟配香草雪糕，意大利咖啡芝士朱古力，我不是甜品人，但個意大利咖啡芝士朱古力用上盒中盒的概念，好新鮮。
尾聲要講下佢嘅2+2 Signature，一杯係Bombay Sapphire Dry Gin，一杯Gulfstream，兩杯都幾靚，我特別愛dry Gin，不過可惜聽日要上機，唔係一定要飲多兩杯。
Post
