Video
Read full review
2022-03-29
625 views
幾年前係大陸食過酸菜魚, 一試難忘, 香港食唔番. 聽講酸菜魚起源於重慶. 近年香港興起酸菜魚. 早期有餐廳譯做 Sauerkraut Fish, 幾有趣. Sauerkraut 其實係德文嚟, 解酸椰菜. 應該就係放喺鹹豬手側邊嘅配菜. 另一間酸菜魚舖廚十三就係用Sauerkraut Fish. 而家好多餐廳譯 Boiled Fish with Pickled Gabbage.食過十二味好幾次, 未必係超水準, 但可以令你“回味” 大陸食過嘅味道. 🍽 今日嚟食午餐, 解下隱. 餐廳架步好似返咗大陸. 冇餐牌, 手機落單. 另外提供口罩套, 抵讚!小食: 木耳. 今日一般般.餐飲: 可樂, $5+酸菜魚到了! 以一人分量嘅午餐嚟講都幾大鍋. 跟白飯.🥣 湯, 係酸菜魚嘅靈魂. 天椒花椒酸菜聞落好香, 亦俾到足夠味道落魚到, 配合得天衣無縫. 可惜, 我鍾意飲湯, 而齋飲湯偏酸, 浸飯食亦都偏酸. 魚與熊掌, 不可兼得.🐟 魚: 肉滑, 少骨, 實淨. 份量十足. 聽講係鱸魚. 我覺得好適合整酸菜魚. 食落香口. 少麻而不太辣. 掂喎!總結一下: 此前試過好幾間酸菜魚. 最後只係番食十
食過十二味好幾次, 未必係超水準, 但可以令你“回味” 大陸食過嘅味道.
🍽 今日嚟食午餐, 解下隱. 餐廳架步好似返咗大陸. 冇餐牌, 手機落單. 另外提供口罩套, 抵讚!
小食: 木耳. 今日一般般.
餐飲: 可樂, $5+
酸菜魚到了! 以一人分量嘅午餐嚟講都幾大鍋. 跟白飯.
🥣 湯, 係酸菜魚嘅靈魂. 天椒花椒酸菜聞落好香, 亦俾到足夠味道落魚到, 配合得天衣無縫. 可惜, 我鍾意飲湯, 而齋飲湯偏酸, 浸飯食亦都偏酸. 魚與熊掌, 不可兼得.
🐟 魚: 肉滑, 少骨, 實淨. 份量十足. 聽講係鱸魚. 我覺得好適合整酸菜魚. 食落香口. 少麻而不太辣. 掂喎!
總結一下: 此前試過好幾間酸菜魚. 最後只係番食十二味. 解隱首選. 魚同酸菜湯配合得好好, 就係浄飲偏酸. 午餐性價比幾甚高. 晚市散叫都唔算貴, 只係份量多, 要人多先食到.
Post
