Paintable Cafe (Closed)

店舖門外嘅竹棚終於拆左，可以影到白雪雪嘅店面，店內畫左好多好繽紛嘅壁畫，望住心情都會變好，仲有戶外座位打卡一流。🦐蒜香蝦鯷魚扁意粉 $128鯷魚味好香濃同持續好耐，加埋蒜香炒嘅意粉微辣好惹味，意粉比較乾身，食落唔會有炒意粉嘅油油感覺🍝芝士肉醬意粉 $88即焗意粉夠晒熱，意粉上鋪滿海量芝士，半溶芝士加埋肉醬嘅酸甜味，意粉掛滿芝士肉醬，好滿足🧇花生醬煉奶牛角包窩夫配雪糕 $78呢個超推介🥰餐廳有好多種croffle,Croffle 口感好香脆，爆多花生醬煉奶啱晒我呢個奶醬多控，超邪惡。配埋曲奇味雪糕食，非常滋味。餐廳仲有scone ,好想食可惜嗰日賣晒，唯有下次再試☕️Latte $40咖啡口感順滑，奶香十足，整體不錯。🍫Mocha $40朱古力同咖啡味道平均，香醇濃郁。