韓讚 (Closed)

同男朋友係銅鑼灣行完街，當然唔少得晚上食好西喇！上open rice search 餐廳，發現宜間餐廳好近我地，而且又係新開，梗係要去食新野喇！DIY鮮果汁非常有新意！用一個小小既榨汁機即場榨！揀左水蜜桃、檸檬、青瓜，三者混合，味道酸酸地，青瓜味非常突出，很清新！宜杯朱古力恐龍岩哂超愛朱古力既我！朱古力味非常濃，好似食緊甜品咁！韓式芝士炸雞真係不得了...海量既芝士，用叉拉成絲卷上炸雞，非常滋味！ 略有不足既係炸雞肉太小，炸皮品夠脆！泡菜海鮮芝士年糕我覺得係必食呀！海鮮份量好足夠，又夠新鮮！有魷魚青口大蝦蜆肉，芝士加上泡菜辣汁，味道同韓國食既一樣呀，夠哂辣！年糕係切片的，口感煙靭！手卷可自選牛豬雞，而我選既係黑豚肉...手卷脆卜卜，餡料好豐富，口感夠哂澎湃呀！