大丸ラーメン

Open Now

Now Closed

今日同朋友仔出街食飯，佢推介我去大角嘴食人氣拉麵。雖然630左右已經到達，但已經有一條長長嘅人龍係度排隊等候中。既然係朋友仔嘅推介，我哋都唯有排隊等下。幸好食客都係食完就走，所以我哋大約730左右就可以入左。我地點左黑丸醬油豚骨拉麵、蝦丸蝦豚骨拉麵、信州蘋果梳打同埋山梨葡萄梳打，本身諗住叫埋餃子，但一早已經賣晒。無論拉麵、糖心蛋、湯底、叉燒都充滿濃郁嘅蝦味，再加埋大量嘅櫻花蝦，非常好食。總括嚟講，如果唔駛排隊我一定會經常幫襯。