Video
Read full review
2024-11-24
1667 views
一向都知古琴雅苑嘅片皮鴨好食，今日好想食片皮鴨，咁就去古琴雅苑嘅灣仔QRE店度食。貫徹佢哋一向嘅裝修風格，QRE店都係好新淨優雅。半隻北京填鴨（$228）：侍應喺你面前將熱辣辣嘅烤鴨片皮，未食已經食慾大增！叫呢個菜式已經包咗鴨卷餅同埋各式嘅烤鴨配料。我自己就最鍾意加烤鴨醬，沙糖，青瓜條，哈密瓜條同埋京蔥條一齊食。爆火鮑魚小炒肉（$188）：呢個用咗豆豉同埋辣椒一齊炒，惹味非常。小炒肉好嫩滑。鮑魚係切片嘅，所以好容易咬開。佢哋而家有個暖冬窩心餐牌，見佢介紹嗰幾樣菜式（蟹粉扒豆苗，藥膳花雕醉雞鍋，東坡肘子，酸菜魚同埋錦繡大盤雞）都好吸引，下次嚟會試吓。依家經OpenRice訂座兩個人起就已經有優惠，如果生日嘅話，仲有壽包送添。
一向都知古琴雅苑嘅片皮鴨好食，今日好想食片皮鴨，咁就去古琴雅苑嘅灣仔QRE店度食。
貫徹佢哋一向嘅裝修風格，QRE店都係好新淨優雅。
半隻北京填鴨（$228）：侍應喺你面前將熱辣辣嘅烤鴨片皮，未食已經食慾大增！叫呢個菜式已經包咗鴨卷餅同埋各式嘅烤鴨配料。我自己就最鍾意加烤鴨醬，沙糖，青瓜條，哈密瓜條同埋京蔥條一齊食。
爆火鮑魚小炒肉（$188）：呢個用咗豆豉同埋辣椒一齊炒，惹味非常。小炒肉好嫩滑。鮑魚係切片嘅，所以好容易咬開。
佢哋而家有個暖冬窩心餐牌，見佢介紹嗰幾樣菜式（蟹粉扒豆苗，藥膳花雕醉雞鍋，東坡肘子，酸菜魚同埋錦繡大盤雞）都好吸引，下次嚟會試吓。
依家經OpenRice訂座兩個人起就已經有優惠，如果生日嘅話，仲有壽包送添。
Post
