Video
Read full review
2022-08-21
2122 views
介紹返💁🏻♀️。。🇬🇧 Afternoon Tea 在中環 🇬🇧。Murray Lane。The Murray, Hong Kong 酒店平台樓層。Gent’s Afternoon Tea 紳士下午茶Scotch Egg 蘇格蘭夾心蛋。Smoked Salmon Mousse 煙燻三文魚慕斯。Yorkshire Pudding 約克郡丁佩烤牛肉 。Beef Shortrib Pie牛小排脆批。Cheese Selections 三款芝士拼盤。Beechwood-Smoked Cheddar Scone 英式芝士鬆餅。Devil’s Chocolate Cake 魔鬼朱古力蛋糕。Tiramisu 意大利芝士餅配杏仁脆餅。Blueberry Pie 迷你藍莓批Illy Coffee OR Jing Tea。HKD728 + 10% for 2 PersonsFlights of Beer 手工啤酒Pilsner Urquell。Asahi Stout。HKD148 + 10%🤫成個禮拜前就已經約定咗飯腳仔尋日星期六去大澳行吓順便掃街..點知星期五天氣咁鬼差..好驚星期六都會天氣不似預期..
。
。
🇬🇧 Afternoon Tea 在中環 🇬🇧
。Murray Lane
。The Murray, Hong Kong 酒店平台樓層
。
Gent’s Afternoon Tea 紳士下午茶
Scotch Egg 蘇格蘭夾心蛋。Smoked Salmon Mousse 煙燻三文魚慕斯。Yorkshire Pudding 約克郡丁佩烤牛肉 。Beef Shortrib Pie牛小排脆批。Cheese Selections 三款芝士拼盤。Beechwood-Smoked Cheddar Scone 英式芝士鬆餅。Devil’s Chocolate Cake 魔鬼朱古力蛋糕。Tiramisu 意大利芝士餅配杏仁脆餅。Blueberry Pie 迷你藍莓批
Illy Coffee OR Jing Tea
。HKD728 + 10% for 2 Persons
Flights of Beer 手工啤酒
Pilsner Urquell。Asahi Stout
。HKD148 + 10%
🤫成個禮拜前就已經約定咗飯腳仔尋日星期六去大澳行吓順便掃街..點知星期五天氣咁鬼差..好驚星期六都會天氣不似預期..所以即刻轉陣去Plan B..而我嘅Plan B就係去Murray Lane度嘆吓佢哋最新出嘅Gent’s Afternoon Tea..(哩個Tea真係好適合我呢啲咁麻甩嘅為食仔🤭)
🤫 咁我同飯腳仔由金鐘地鐵站嗰邊出發行到去Murray Hotel大約用咗十五分鐘啦..因為飯腳仔一早就Make咗Reservation仲同人哋講咗我哋係嚟食Gent’s Afternoon Tea..咁坐低冇耐餐廳嘅Staff拎咗Specific嘅餐牌俾我哋輕輕講解吓..然後就為我哋帶嚟我哋嘅Welcome Drink..haha..佢哋嘅Welcome Drink竟然一壺Lager..(開心仔..咁快就有啤酒飲✌🏻)然後再等咗一陣間..我哋嘅Afternoon Tea就上枱啦
🤫 真係忍唔住要第一時間講..上枱嘅果一剎那..我個心諗..我真係好適合食呢一個麻甩嘅下午茶呀..主要嘅原因係因為Gent’s Tea本身就係鹹點多個甜點..而且又好老實咁講平時食嗰啲Afternoon Tea我九成九嘅甜點都唔食㗎..真係貪得意打吓卡㗎咋
🤫 講咗咁多廢話係時候介紹吓有啲咩食..先嚟講吓個三文魚Mousse..佢係一份好精緻嘅Mousse.. 三文魚味香濃而且質地非常之細滑..上邊仲有幾粒三文魚籽做點綴..絕對適合慢慢細味
🤫 然後即刻想講佢哋嘅牛肉片Pudding..好欣賞佢哋做得到牛肉片全熟..但係一啲都唔韌..最緊要食牛有牛味..(應該係靚牛肉🤭) 而且Pudding焗得啱啱好..非常之香軟..入邊再配一啲綠色嘅辣根忌廉..整個配搭都非常之好味道
🤫 再嚟就講吓Scotch Egg..同傳統嘅一樣都係有一層薄薄嘅免治肉包住一隻蛋去炸..但係佢做到炸完之後入邊嘅蛋依然非常流心..真係功夫之作
🤫 而個牛肉批更加係我同飯腳仔都最欣賞嘅..個批皮唔算太厚但係非常鬆脆..入邊嘅牛肉感覺有啲似西式嘅炆牛腩..味道香濃之餘..個口感非常之好..雖然成個批都好飽肚..但係我哋一粒都無淨..成個食晒
🤫 然後鹹點嘅最後一Part..就係我不嬲都好鍾意嘅Cheese Platter啦..總共有三款芝士..我真係好後悔冇問清楚佢哋呢三隻究竟係乜嘢芝士..因為其中一隻係好好食㗎..! 三款芝士入邊有一種係Blue Cheese..係易入口嗰種..我呢啲妹仔口..食唔到太濃味嘅Blue Cheese..今次佢俾我哋呢一隻細細啖細細啖食就啱啱好啦..另外一隻我估係Parmesan..硬身芝士最啱就切片慢慢㗳..最後係我唔知佢係咩芝士..屬於Semi Hard Cheese..味道係非常之適中..鹹味得宜..空口食就最啱啦
🤫 急不及待要為大家介紹埋呢一餐麻甩Tea嘅甜品同埋啤酒部份..先嚟帶個頭盔先..因為我呢個麻甩女子好鹹不好甜..所以甜食方面全部都係雀仔咁啄一下..叫做試吓個味㗎咋..其餘大部份都係飯腳仔包底..唔好見怪
🤫 話說呢個Gentlemen Afternoon Tea Total有五點五個鹹點..三個甜點..咁由鹹過場去甜嘅呢一刻..我就嚟講吓我認為佢係唔算鹹點又唔算甜點嘅Cheddar Scones..佢對我嚟講係好特別嘅一個Scone..佢嘅煙熏Cheddar味非常之濃郁..再加上香甜綿密嘅Texture..比起一般嘅鬆餅我更加鍾意呢一隻..配埋佢哋嘅無花果醬..真係回味無窮
🤫 然後我哋就講吓飯腳仔話幾好味嘅Devil’s Chocolate Cake..朱古力脆皮加Nuts包裹住鬆軟嘅朱古力蛋糕..再有一啲白朱古力喺上邊..味道濃郁之餘真係好Evil
🤫 個人最鍾意嘅甜點就係Blueberry Pie..細細件容易入口之餘..酸甜酸甜嘅Blueberry醬再加面頭嘅脆脆..真係相映成趣..係已經咁飽嘅情況底下令到我嘅胃醒一醒
🤫 而Tiramisu..可以話係咁多個項目裏面最平凡㗎喇🤭..佢係正常好味嘅Tiramisu..礙於其他各項都相當出色..可憐嘅Tiramisu淪為正常好味嘅角色..但係飯腳仔話佢面頭嗰塊杏仁脆餅相當出色喎..(完全唔食杏仁嘅我不願置評😳)
🤫 喂喂喂..終於嚟到我嘅業餘Beer Tasting環節..haha..佢哋嘅Flights Of Beer其實相當抵玩..大佬..話晒都係五星級酒店嘅Lounge入邊嘅Draft Beer喎..百五蚊有找..有成四杯咁多..每杯仲要有半Pint左右㗎喎..咁佢哋就包咗Asahi嘅Dark Beer同Pilsner Urquell嘅Golden Lager各二..之前都有飲過Asahi嘅呢一隻黑啤..亦都相當欣賞..佢嘅烘焙味香濃..有啲似齋啡味..非常之順滑..係我麻甩妹其中一個推介..至於Pilsner Urquell嘅Golden Lager比起普通嘅Lager更加甘香..仔細啲飲係有少少苦澀再加焦糖嘅味道..比較適合細細啖飲..兩隻啤酒配鹹點係一流㗎..所以如果你有興趣試呢一個Afternoon Tea而且又鍾意嘆啤酒嘅話..我真係強烈推介你一定要加Flights of Beer
🤫 再嚟就講吓環境同埋服務先..咁話晒呢度都係Hotel Lounge..服務態度好基本㗎啦..但係佢哋嘅Staffs又真係每一位都好親切喎..尤其是阿John同埋另一位外籍嘅男士..先係問我哋需唔需要轉返張Lower Table..然後又好詳細咁講解每一個項目..三不五時又會嚟關心下嘢食OK啊..啤酒滿唔滿意呀..甜點夠唔夠呀..餐飲Coffee Or Tea要唔要同一時間上..定一話食飽晒先飲呀..之後又會主動提議幫我哋影相..係嗰種好Friendly而唔係好Hardsell嘅親切感
🤫 至於環境呢..其實Murray Lane係位於Murray Hotel Lobby旁邊嘅..佢貌似一個Lounge..又有啲似一個Bar..有少量Indoor Seats又有少量Outdoor Seats..其實都幾舒服嘅..係望住啲人排隊等Check-in嗰陣有些少嘈
🤫 最後..其實小女子已經過咗嗰種要去打卡靚靚食Afternoon Tea嘅年紀..尤其是本身就唔係太好甜..已經咸豐年冇去過Tea啦..不過真係比Murray Lane嘅呢個Gentlemen Tea深深咁樣打動咗..有別於少女Tea..呢個麻甩Tea超級飽肚..一餐頂得住三餐..雖然價錢唔算係好平..但係其實佢係值呢個價錢嘅..所以真係幾推介
🤫 最後細細聲話俾大家知..如果你做埋佢哋集團嘅Member..喺佢哋啲餐廳ss食嘢係有Discount
Post
