Video
Read full review
2024-12-02
290 views
介紹返💁🏻♀️。。🇭🇰 餃子 在 九龍灣 🇭🇰。渝香餃 手工餃子雲吞麵掂。福康工業大廈地下2A號舖。煎餃韭菜豬肉煎餃 / 椰菜豬肉煎餃 / 白菜豬肉煎餃。HKD50 @ 8隻。HKD62 @ 10隻粟米豬肉煎餃 / 芫茜豬肉煎餃。HKD52 @ 8隻。HKD65 @ 10隻任選雙拼煎餃。HKD56 @ 8隻。HKD66 @ 10隻以上均可加淨颏底 - 上海幼麵 HKD10 / 米線 HKD13重慶麻辣黃金皮蛋。HKD25豆漿。HKD9🤫 呢間叫做渝香餃..舖頭好細好細..食客座位只有一條冷巷咁闊..大概十零張二人枱..但係偏偏就坐滿晒客人..所以好奇心驅使之下我就行咗埋去排隊等位入座😛🤫 咁呢間餃子店嘅Menu其實同其他一般餃子店一樣有得揀湯餃或者煎餃..而個人不嬲都鍾意食熱氣嘢嘅😙所以就叫咗個雙拼..要粟米豬肉同椰菜豬肉嘅煎餃..另外加咗一份麻辣黃金皮蛋同一杯豆漿🥛🤫 雖然話食客滿滿但係呢度出餐都非常之快..餃子係食得出新鮮滾熱辣煎好嘅..賣相相當唔錯..餃子唔係話勁大隻嗰種..但係睇得出兩邊煎得好香脆..先嚟講吓個粟米豬肉煎餃🥰咬開餃子發現非常之足料..豬肉同埋粟米大概一比一份量.
。
。
🇭🇰 餃子 在 九龍灣 🇭🇰
。渝香餃 手工餃子雲吞麵掂
。福康工業大廈地下2A號舖
。
煎餃
韭菜豬肉煎餃 / 椰菜豬肉煎餃 / 白菜豬肉煎餃
。HKD50 @ 8隻
。HKD62 @ 10隻
粟米豬肉煎餃 / 芫茜豬肉煎餃
。HKD52 @ 8隻
。HKD65 @ 10隻
任選雙拼煎餃
。HKD56 @ 8隻
。HKD66 @ 10隻
以上均可加淨颏底 - 上海幼麵 HKD10 / 米線 HKD13
重慶麻辣黃金皮蛋
。HKD25
豆漿
。HKD9
🤫 呢間叫做渝香餃..舖頭好細好細..食客座位只有一條冷巷咁闊..大概十零張二人枱..但係偏偏就坐滿晒客人..所以好奇心驅使之下我就行咗埋去排隊等位入座😛
🤫 咁呢間餃子店嘅Menu其實同其他一般餃子店一樣有得揀湯餃或者煎餃..而個人不嬲都鍾意食熱氣嘢嘅😙所以就叫咗個雙拼..要粟米豬肉同椰菜豬肉嘅煎餃..另外加咗一份麻辣黃金皮蛋同一杯豆漿🥛
🤫 雖然話食客滿滿但係呢度出餐都非常之快..餃子係食得出新鮮滾熱辣煎好嘅..賣相相當唔錯..餃子唔係話勁大隻嗰種..但係睇得出兩邊煎得好香脆..先嚟講吓個粟米豬肉煎餃🥰咬開餃子發現非常之足料..豬肉同埋粟米大概一比一份量..滿滿嘅粟米爽口鮮甜味..係純粹而吸引嘅味道😊
🤫 然後椰菜豬肉煎餃都係椰菜絲滿滿..我欣賞佢唔會似出邊嘅餃子咁樣將啲菜同埋肉打到溶晒..Keep返椰菜嗰種應有嘅口感..而且佢哋呢邊嘅餃子確實係個皮好薄..皮薄得嚟又唔會似之前食過有啲餃子店咁樣皮薄但係爆餡..食到佢哋手工餃子嘅真功夫..唯一就係煎餃用油重手咗啲..不過可能呢啲都係中國傳統手勢嚟嘅😅
🤫 另外我今次仲好大膽咁樣嘗試挑戰自己食辣嘅程度..叫咗個從來都唔夠膽自己一個食嘅重慶麻辣黃金皮蛋..咁話說我係被黃金皮蛋呢四個字吸引咗嘅..市面一般都係普通嘅流心皮蛋..難得見到比較少見啲嘅黃金皮蛋一於嗌一份嚟試一試佢..頭先Google科普咗一下..原來市面常見嘅普通皮蛋..相對比較矜貴啲嘅松花皮蛋仲有我今次食到嘅黃金皮蛋..其實都係嗰啲蛋😂只係佢哋醃製嘅過程同埋用料上面嘅分別以至到出嚟嘅成果都有啲唔同..今次又學到嘢啦～講返我呢個麻辣黃金皮蛋先..對我嚟講..係勁辣囉🥵不過如果我代入飯腳仔嘅話..我諗佢會覺得好滋味..而且黃金皮蛋亦都做到流心嘅效果..配埋芫荽一齊食..嗰種皮蛋獨有嘅味道散發得剛剛好👍🏻
🤫 最後食啲咁辣咁重口味嘅嘢食之後..梗係嗌返杯豆漿中和下嗰種澎湃嘅味覺刺激..咁豆漿我就真係唔知道係自家製定係現成嘢..不過九蚊雞一杯嚟講都算係幾大杯..至起碼可以完全照顧到我食唔到辣嘅嗰條脷嘅需要😜
🤫 最後呢～我想講..呢個餐廳嘅老闆娘同啲食客都好Friend吓..好似個個入嚟食嘢嘅人佢都識嘅咁樣..又會打招呼同埋吹水..成件事好有以前香港嗰啲鄰里..即係好親切有善嗰啲感覺..大家有機會可以過嚟幫襯吓體會吓..又或者九龍灣嘅打工仔們都可以過嚟呢邊試吓喎～
。。
翻兜指數：🙆🏻♀️🙆🏻♀️🙆🏻♀️（5個🙆🏻♀️為翻兜爆燈）
。。
Post
