Video
Read full review
2020-01-12
1174 views
之前行街經過呢間餐廳就覺得裝修幾靚，經過一段時間睇到人IG STORY有介紹呢間餐廳，就決心去一試究竟。試完就上癮，至今已經食咗兩次，期待食第三次。我地每次去都無Book位，六點半去到個場已經full，不過即場攞籌等位，兩個人等咗一個鐘到就可以入去食。湯底我地每次都係叫雙拼，一次係清湯拼沙嗲，一次係清湯配酸菜。我就覺得有清湯已足夠，清湯入面又大大舊牛肉，我都會先撈起嚟食。呢度嘅醬汁先係重點，黃油醬油真係好味，好香甜。我每次都會調製兩個醬汁，1：黃油豉油+蔥+芫茜 （可以食得出牛肉原汁原味之餘又可增添風味）2：牛肉汁+沙茶醬+蒜蓉+蔥 （撈咩食都好味，撈烏冬就一流！）牛肉方面我地都係集中點本地牛，咩名我都唔記得，求其點邊款都好食。墊枱紙會寫明唔同部位需要煮幾多秒，跟住做就可以食得最佳口感。其他配料必點係滑豆腐，呢度嘅滑豆腐係我食過最好食嘅豆腐，好滑之餘又有豆香，強烈推介。環境方面主打懷舊主題裝修，座位舒適度高，幾闊落，嘢食可以擺係架到，唔駛就住記住，唔會覺得壓迫。坐得舒服，有靚牛食，連豉油都好食，滑豆腐好食到令人驚喜，仲有不設加一。兩個人食埋單都係五百幾，價錢合理。我每次推介比朋友我都覺
我地每次去都無Book位，六點半去到個場已經full，不過即場攞籌等位，兩個人等咗一個鐘到就可以入去食。
湯底我地每次都係叫雙拼，一次係清湯拼沙嗲，一次係清湯配酸菜。
我就覺得有清湯已足夠，清湯入面又大大舊牛肉，我都會先撈起嚟食。
呢度嘅醬汁先係重點，黃油醬油真係好味，好香甜。
我每次都會調製兩個醬汁，
1：黃油豉油+蔥+芫茜 （可以食得出牛肉原汁原味之餘又可增添風味）
2：牛肉汁+沙茶醬+蒜蓉+蔥 （撈咩食都好味，撈烏冬就一流！）
牛肉方面我地都係集中點本地牛，咩名我都唔記得，求其點邊款都好食。
墊枱紙會寫明唔同部位需要煮幾多秒，跟住做就可以食得最佳口感。
其他配料必點係滑豆腐，呢度嘅滑豆腐係我食過最好食嘅豆腐，好滑之餘又有豆香，強烈推介。
環境方面主打懷舊主題裝修，座位舒適度高，幾闊落，嘢食可以擺係架到，唔駛就住記住，唔會覺得壓迫。
坐得舒服，有靚牛食，連豉油都好食，滑豆腐好食到令人驚喜，仲有不設加一。兩個人食埋單都係五百幾，價錢合理。
我每次推介比朋友我都覺得自己浮誇，但實情真係好食。
17 views
1 likes
0 comments
Post
