拱照車仔麵 (Closed)

細細個既時候，我舅父成日帶我去食舊店既拱照車仔麵食，以前一個月會食幾次，仲記得會有煎釀三寶食，細個既時候覺得好好食，同好大碗。今次係咁耐以嚟第一次去到新店食，新店既環境好咗，坐得舒服咗，仲有唔洗吹住個頭既冷氣。食車仔麵，我多數會食油麵，覺得係最夾啲油膩嘢。今次既餸有豬扒、豬紅、豬大腸同蘿蔔，豬紅唔易散夠入味，豬大腸好易咬夠味，豬扒幾嫩，蘿蔔好甜。正常時候我會要辣汁，但當日喉嚨唔係幾舒服所以無落到。其實回憶就係回憶，無咩特別，車仔麵整體偏鹹，食完好頸渴。