Video
Read full review
2021-07-24
474 views
朋友為了補祝生日，就請我食個生日飯。由於我哋都未試過呢間餐廳，所以專登book左嚟試吓。果日Book左1200，我朋友趕唔切準時到，我咪慢慢行去果度，喺1205分收到餐廳打來問你係咪來緊？其實都有少少奇怪，心諗唔通好多人等催我哋快啲去🤔。去到成間餐廳都冇人。咁點解要催？之後安排左張窗邊好窄二人枱比我。個位又勁大風，我哋吹到要叫佢教細個冷氣但又唔換枱比我哋?睇過餐牌之後我哋分別點左兩個三道菜嘅午餐。兩款頭盤味道唔錯：慢煮帶子配松茸松露 - 帶子夠滑同個汁酸酸地幾易入口。意大利風乾火腿、無花果、松露及松露蜜糖。- 這個配搭都幾清新。主菜點左松露龍蝦意大利飯同法式油封鴨腿。龍蝦意大利飯幾出色。龍蝦肉新鮮同埋個飯夠入味。但個油封鴨腿就好乾同好韌，真係麻麻地。當我哋仲食緊主菜，無啦啦個侍應走過來問你甜品要乜，其實如果高級餐廳真係唔會呢個時候問甜品。好似催我哋快啲食完，但成間餐廳得50% 入座率。之後我朋友要求問經理可唔可以係甜品碟寫個happy birthday 比我，個經理即刻就話我哋冇係OpenRice 度寫低所以安排唔到🤷🏻♀️之後喺個甜品度俾咗支蠟燭就算，其實用紅莓醬我都唧到happy
睇過餐牌之後我哋分別點左兩個三道菜嘅午餐。兩款頭盤味道唔錯：慢煮帶子配松茸松露 - 帶子夠滑同個汁酸酸地幾易入口。
意大利風乾火腿、無花果、松露及松露蜜糖。- 這個配搭都幾清新。
主菜點左松露龍蝦意大利飯同法式油封鴨腿。龍蝦意大利飯幾出色。龍蝦肉新鮮同埋個飯夠入味。但個油封鴨腿就好乾同好韌，真係麻麻地。
當我哋仲食緊主菜，無啦啦個侍應走過來問你甜品要乜，其實如果高級餐廳真係唔會呢個時候問甜品。好似催我哋快啲食完，但成間餐廳得50% 入座率。之後我朋友要求問經理可唔可以係甜品碟寫個happy birthday 比我，個經理即刻就話我哋冇係OpenRice 度寫低所以安排唔到🤷🏻♀️之後喺個甜品度俾咗支蠟燭就算，其實用紅莓醬我都唧到happy birthday 啦！如果其他fine dining 高級餐廳一定唔會咁對客人。
整體來講，真係試一次就夠冇下次。服務態度真係需要好大改善，完全做唔到Fine Dining level 餐廰但又扮高尚。食物方面有頭冇尾，所有菜式𥚃松露變成配角，每款菜式批幾片松露做裝飾果種。根本冇邊款菜式係以松露做主角。
Post
