Kampoeng

Open Now

Now Closed

朋友話想試下印尼菜，上網查查搵左依間，見餐廳地方大環境乾淨，就去試試。餐廳在印尼菜食品店下層地庫，平時行街真係唔會發現。地方估唔到會咁大，光線柔和，環境舒適。美食都好多選擇，可惜當日無燒魚供應呢～味道不俗唔會伏，串燒係有驚喜，好食到想再添。炸黃豆餅 $29外皮香脆餅厚身，食落有點似魚肉質感，可以一試，食多會有點油膩。沙嗲雞肉串(3串) $46好有炭燒風味，肉質嫩口入味，沾上沙嗲醬花生味濃特別美味。蝦醬炒通菜 $65通菜翠綠新鮮爽口，蝦醬咸惹美味唔會好咸，仲好有鑊氣！印尼雜錦黃薑飯　$78黃薑飯清香軟糯，唔會好油。配菜包羅萬有，有薯仔、青豆、雞鎚、雞蛋、果仁、蝦片等等，仲有沙嗲醬撈飯食好食。亞答子冰 $29飲料好鮮艷綠色的味道甜甜地，亞答子果肉半透明，似海底椰口感柔韌好嚼口。涼粉珍多冰 $29珍多粉條軟滑，涼粉Ｑ彈，以椰奶加椰糖漿攪勻即可，甜度適中，好飲。