韓牛韓式燒烤 (Closed)

好耐冇食韓國菜，之前去創興廣場食飯時，發現原來有間食韓燒的店「韓牛韓式燒烤」，咁就拿拿臨約朋友黎試吓啦！地方環境都好大，坐得舒服😌有生食：日本刺身、壽司、手卷有冷盤/前菜：熟蝦、帶子、青口、泡菜、醃菜、蘿蔔、芽菜...有熟食：炸蟹鉗、炸雞件、泡菜餅、炸雞翼、炸雞鎚、蘿蔔牛腩...燒烤：肥牛、牛仔骨、牛肉、金菇肥牛、三文魚骨、腸仔、紅腸、多春魚、雞翼、豬肉、菠蘿...甜品：棉花糖、生果、奶凍、布甸...真係好多野食，味道ok，最鍾意燒菠蘿、金菇肥牛、多春魚及雞翼，可惜我地食得太慢，一邊燒一邊傾偈，都唔係食咗好多野，連甜品都無食，好唔抵添😛，原本想試試自己整棉花糖，最後都冇試到。惟有下次再嚟試啦！