雲來軒 (Closed)

由星级名厨主理嘅雲來軒，颇具名氣和人氣，今晚專程光顧。拖地蜜汁黑豚肉，义燒肥瘦適中，排列整齊，肉厚軟滑兼肉汁豐富，熱辣芳香，真係一流!橙花窩耙海班球有創意，海班球鋪在方形窩耙上，窩耙鬆脆配合無骨多汁海班球，非常可口，適合老幼，夠晒窩心。開胃話梅鷄熱辣辣窩上，保持熱暖，夠晒誠意。酸甜話梅肉十分醒胃，鷄肉鲜嫩滑溜，半隻份量已經很足夠。粉絲什菜煲蔬菜新鲜，粉絲爽滑，味道清新。鮑魚粒福建飯碟頭很大，鮑魚粒多而美味，炒飯粒粒甘香爽滑，材料豐富，夠晒鑊氣，好味!