Video
Read full review
2017-05-29
300 views
黎到黃埔，首當其衝一定要去試下近期城中話題既《煎餅廚房》啦！傳說Hit到落完Order都要等4個鐘頭後收到電話Call先有得食，究竟係咪真係咁好食到定係羊群效應呢？今日就由飲食情侶小先鋒【賴先生同屈小姐】爲你報導！賴先生拖住屈小姐隔住個紅綠燈望住間《煎餅廚房》既時候，發現冇乜人（門前只有3-4名客人等候，而廚師不停煎餅中），心諗：好野！即刻有得食！誰不知，係等一等紅綠燈過馬路既時候，我地已經比另外2位客人捷足先登！埋到去落Order既時候，店員居然係屈小姐面前抄賴生牌，原來店員話要等30分鐘先有得拎，到時會打電話通知我地黎拎！之但係⋯既然生意咁好，佢明明有2個爐，點解淨係開1個黎煎呢？賴生都百思不得其解⋯不過爲左食好西，我地梗係等啦！順便拖住屈小姐係黃埔周圍睇下其他野食先過左30分鐘後⋯賴生收到電話啦！聰明既屈小姐亦早於25分鐘既時候行番去舖頭附近等食啦先黎介紹第一個 ：1）北京烤鴨煎餅：⭐️⭐️⭐️⭐️ (3.5星) 一拎上手個餅大塊得黎勁聚手，已經知入面既材料好多，有：烤鴨絲、青瓜片、京蔥絲同雞蛋！首先不得不稱讚一下北京烤鴨加煎餅呢個組合，省卻左平時大家食北京填鴨要自己不停包既煩惱，更好既
賴先生拖住屈小姐隔住個紅綠燈望住間《煎餅廚房》既時候，發現冇乜人（門前只有3-4名客人等候，而廚師不停煎餅中），心諗：好野！即刻有得食！
誰不知，係等一等紅綠燈過馬路既時候，我地已經比另外2位客人捷足先登！埋到去落Order既時候，店員居然係屈小姐面前抄賴生牌，原來店員話要等30分鐘先有得拎，到時會打電話通知我地黎拎！
之但係⋯既然生意咁好，佢明明有2個爐，點解淨係開1個黎煎呢？賴生都百思不得其解⋯不過爲左食好西，我地梗係等啦！順便拖住屈小姐係黃埔周圍睇下其他野食先
過左30分鐘後⋯賴生收到電話啦！聰明既屈小姐亦早於25分鐘既時候行番去舖頭附近等食啦
先黎介紹第一個 ：
北京烤鴨煎餅
$34
53 views
0 likes
0 comments
一拎上手個餅大塊得黎勁聚手，已經知入面既材料好多，有：烤鴨絲、青瓜片、京蔥絲同雞蛋！
首先不得不稱讚一下北京烤鴨加煎餅呢個組合，省卻左平時大家食北京填鴨要自己不停包既煩惱，更好既係：呢個組合可以帶比大家大口大口食既滿足感同快感⋯真係食極都仲有，唔似食北京填鴨咁，一啖就食晒
而呢度既煎餅呢，並唔係外面煎到好脆咁既，係拎上手軟身既，但唔緊要，餅皮都整得夠薄，唔會穿既，加上佢將塊餅皮摺疊，其實食完都會飽飽地！另外佢先將隻蛋煎入餅皮，再塗滿北京烤鴨醬，單係餅皮已經好入味！甜甜地！正！
配上爽脆青瓜添上口感，再包滿肉香滿瀉既鴨肉絲！整體配搭唔錯！如果個烤鴨皮可以做到脆脆地，咁就超正啦！不過呢個價錢~ 收貨！
再黎就係 ：
孜然羊肉煎餅
$34
56 views
0 likes
0 comments
2個人食2塊餅⋯唔過份丫？！
呢個煎餅比起北京烤鴨餅更有風味，味道更濃郁！材料有：羊肉，青瓜片同芫茜。（提一提唔食芫茜既人⋯記得落單前叫走芫茜）⋯
一咬落去！勁重羊肉味滲出黎！孜然味是其次，重點係是逼晒羊既味道出黎！做得好出色！羊肉不算太Un！(如果可以再嫩啲就不得了！) 比北京烤鴨更為惹味及突出！如果係羊肉愛好者，呢個煎餅一定岩你！
好食真係幾好食⋯但要等半個鐘喎⋯大家記得有心理同生理準備
後記：話說2塊餅外形明明一模一樣⋯屈小姐憑肉眼就分得出邊塊打邊塊既？⋯
當賴生食左一半仍然覺得好神奇既時候⋯屈小姐就(懶型咁指住)賴生手上面裝煎餅個袋⋯⋯有藍筆大大隻寫住個《羊》字⋯
#一人一啖share最好味
#可愛趣怪既屈小姐
#最愛與妳一起食盡天下
#妳會一直都是賴生所寵愛的
#好西是需要等待的
#猶如美好既愛情
Post
