有緣小敍

Open Now

Now Closed

收工又唔知食乜好，咁啱朋友喺網上面見到呢間野，一見到係食辣，諗都唔使諗就去食。麻辣大盤雞個店員見我哋四個人，介紹我哋食呢個麻辣大盤雞，我哋叫咗半隻雞，另外再加咗一條店內特色嘅”餅餅麵”，啲面有啲似河粉，不過大條啲，吸晒啲麻辣汁一流。入面啲雞唔算特別滑，不過勝在個汁夠辣搭夠，同埋份量都算多，我哋四個人食都夠晒食。干扁蓮藕蓮藕爽口，不過味道比較淡同埋食到底有啲油膩。酸辣土豆絲土豆絲都一樣幾爽口，比起干扁蓮藕夠味同埋辣，不過食到底一樣有啲油膩。炸茴香豬肉餃炸得啱啱好，個皮好翠，又唔會太燶，仲好香茴香味。