勝博殿日式炸豬排 (Closed)

其實本來想食同一幢樓嘅食肆， 但可惜無位，但已經又攰又餓，就入咗黎食飯啦蝦餅配豬柳： 蝦餅的確有一粒粒嘅蝦係入面， 但係完全無味， 要點醬食先得， 本身好期待佢， 但係令我失望。豬柳反而幾好， 但一夾見炸皮同豬柳分離咗， 都會有d失落… 豬柳夾佢個豬扒醬都係好好味。當然仲有冰凍爽脆嘅椰菜絲啦， 係炸物未上已經吃咗一盤， 加上酸酸嘅柚子醋，就已經簡單好味！另外仲點咗一個忌廉蟹肉餅， 呢個都幾好， 充滿忌廉香， 再配上一絲絲嘅蟹肉， 真係想食多件豚肉烏冬鍋： 烏冬鍋長期係我嘅朋友， 食乾爭爭嘅炸物又食下d湯粉先平衡d ga ma~ 不過不失嘅味道， 個湯清清地， 飲落都好舒服， 但個豚肉就好騷啦…服務: 雖然佢哋上漏飯同湯， 但同佢地反應時， 佢地都好快跟返。添菜， 添菜亦都好勤快， good!環境： 非常舒適，平日夜晚少人， 所以個場夠靜， 慢慢食野傾偈arm哂！而且冷氣又夠， 坐得亦夠舒服！