國福樓 (Moved) New Location

同阿仔上完playgroup, 忽然想食中菜，所以就衝咗入去皇悦酒店搵食。記得以前呢個位置係龍皇，同家人經常陪嫲嫲去飲茶。仲想回憶一吓嫲嫲，點知已經變成國福樓。午飯時間去walk-in, 居然俾我哋坐到張四人枱。因為食中菜嘅蟲咬我，所以好快叫咗三樣點心止痕，好彩阿仔有我遺傳都幾吃得，而點心份量竟然都唔細，所以叫三樣嘢我就覺得啱啱好。食物，環境，服務都好好。始終米芝連一星，唔想俾人摘星呢三點一定要做足。價錢偏貴都無可厚非，因為米芝連關係加上係福臨門姊妹酒家，預咗貴。不過值得。因為服務真的很貼心。阿仔食飽就坐唔定，店員見到就拎咗啲兒童文具俾阿仔畫，令我可以安心食阿仔食剩嘅嘢。TT走嗰陣仲成班阿姐岀來送我哋走，同阿仔玩同講拜拜。人哋唔知肯定以為我喺度食咗幾千蚊嘢。但因為價錢真係偏貴，如果唔係就腳的話，想食中菜，我都係去返一般酒樓就算。