Video
Read full review
2014-11-15
1026 views
吹雞!!! 吹雞!!! 9月之星生日會+沖繩最強手信派送會!!! 台山四寶全體人員緊急招集!!!原本貓兄去咗紅X拎位, 點知我去到時佢氣沖沖話要走, 因為紅X職員掛住玩手機唔理會佢, 等咗幾分鐘都無打算為佢安排入座...落返平路(紅X要上奪命斜), 同一大廈, 仍有2間韓燒, 我地2隻迷途羔羊, 被第一間店的老闆鎖定, 走唔甩...案發經過...成件事其實都充滿趣味嘅, 只要你唔激心的話, 2位平時疑心極重的中女, 可能飲咗XX口服液, 頓時變低智羔羊, 加上老闆中英韓語風趣拉客, 笑到我地肚彎, 無晒防犯太容易相信人喇...老闆Hard Sell隔離間韓燒店係Same Company, 意味你唔需要向前行, 當時都有騙案Feel, 心諗"你話係就係呀?!!"... (之後職員又真係過去隔離間韓燒店買啤酒過來)係門口睇餐牌期間, 見到韓國燒鰻魚, 上星期睇滋味行咁啱就係睇燒鰻魚睇到流晒口水, 令到我好想入去試... 當時老闆仲強調鰻魚Come from Korea, Not China... (入到去Order燒鰻魚, 職員話未有貨, 頂!!! 好想即刻轉身走)老闆Hard Sell自
原本貓兄去咗紅X拎位, 點知我去到時佢氣沖沖話要走, 因為紅X職員掛住玩手機唔理會佢, 等咗幾分鐘都無打算為佢安排入座...
落返平路(紅X要上奪命斜), 同一大廈, 仍有2間韓燒, 我地2隻迷途羔羊, 被第一間店的老闆鎖定, 走唔甩...
案發經過...
成件事其實都充滿趣味嘅, 只要你唔激心的話, 2位平時疑心極重的中女, 可能飲咗XX口服液, 頓時變低智羔羊, 加上老闆中英韓語風趣拉客, 笑到我地肚彎, 無晒防犯太容易相信人喇...老闆Hard Sell隔離間韓燒店係Same Company, 意味你唔需要向前行, 當時都有騙案Feel, 心諗"你話係就係呀?!!"... (之後職員又真係過去隔離間韓燒店買啤酒過來)
係門口睇餐牌期間, 見到韓國燒鰻魚, 上星期睇滋味行咁啱就係睇燒鰻魚睇到流晒口水, 令到我好想入去試... 當時老闆仲強調鰻魚Come from Korea, Not China... (入到去Order燒鰻魚, 職員話未有貨, 頂!!! 好想即刻轉身走)
老闆Hard Sell自己係Best Korean BBQ in TST... 其實都幾警訊Feel, 不過當時已經笑到肚痛, 是但啦, 比次機會啦...
小肥羊... 入o黎啦... 入o黎啦...
剛開業3日, 暫時Cash Only...
小圓鐵皮枱係咪好韓劇烤肉店Feel呢?!! 但我地唔係坐呢邊!!! 我地被安排坐靠牆位, 要同陌生人背貼背不特止, 仲要背推背!!! 我仲比後面個男仔猛力批肘落腰, 痛到叫咗出o黎, 雖然對方之後有Say Sorry同提高警戒, 但我都傷啦...
前菜得3款, 勝在美味爽脆, 麵醬白菜仔好味... 生菜包無另外計錢, 幾新鮮... 調味有蒜片青椒麵醬魚露, 夠地道...
店員不太懂中文, 英文都要估估下... 下單時是有點溝通障礙...韓牛拼盤 $380
-- 韓劇中經常將韓牛推捧到天上有地下無, 我今夜幻想破滅... 仲要開頭比我地果碟韓牛唔係呢碟, 牛肉個邊變咗色, 無得燒鰻魚已氣頂, $380幾片肉, 你比咁嘅貨色我?!! 我要求換過2片牛, 估唔到, 職員真係照換, 有點意料之外... 坦白說, 牛味不足, 肉質亦不夠軟腍, 其實不難吃, 但總是欠了一點點靈魂... 貓兄笑我食慣和牛, 唔係日本A4就澳洲M7, 仲要食無醃的和牛配喜瑪拉雅岩鹽...
五花肉 $110-- 罪惡使者!!! 看到50%以上的肥膏, 有點不想吃...
烤成金黃色後, 卻令人垂涎欲滴... 入口甘香, 我的減肥大計如何走下去?!!
脊骨土豆湯 $280-- 極大量麵豉, 有點鹹, 拌白飯較佳... 極巨型里脊, 大量薯仔, 食完好難唔飽到暈... 但係台山四寶食力驚人, 仲追加拉麵 $20, 點知... 係原裝出前一X, 職員係大家面家撕開包裝, 掉個麵落土豆湯... 又一幻想破滅...
啤酒 $25-- 職員話Beer Pay Cash Now... 比咗$25佢, 即跑咗出大門外... 貓兄大驚問我比咗幾多錢佢, 我話$25, 大家正估計職員係咪跑去便利店, 職員帶著啤酒跑返來, 仲有張浦村韓國料理的Invoice...
整體味道過得去, 不能說很好, 也不難食, 開業第4天, 相信無論服務或味道都有很大進步空間... 還有說好的韓國鰻魚呢...
Post
