Video
Read full review
2023-09-16
283 views
一如既往，一個人食飯簡直無敵，午餐時段直接入去唔使等位。今次我點咗餐牌上有👍🏼圖案嘅重慶夜市牛肉炒麵，再加多個小食$25蔥油雞重慶夜市牛肉炒麵，得牛肉炒麵呢四個字先係重點，完全冇辣味，諗唔到同重慶/夜市有咩關係⋯味道唔濃（即係淡）應該幾健康。唔知係唔係驚我有三高呢，都幾細心😅牛肉無牛味，仲有啲「鞋」，而且份量都幾多。如果好食嘅話份量多係一個優點，如果難食嘅話份量多係受罪⋯⋯我又唔想嘥嘢⋯唯有頂埋佢⋯到個蔥油雞，唔知係咪入邊冷氣太大嘅關係，吹到啲雞凍冰冰，啲雞皮凍冰冰好似食緊啫喱咁。雞肉都算滑，但係冇乜雞味，要靠啲醬汁。我心諗究竟我食緊雞定食緊醬？話就話係蔥油雞，完全冇蔥油味⋯⋯我上次食嗰四川擔擔麵真係好好食，但唔知點解今次個牛肉炒麵咁，個體驗差晒⋯
一如既往，一個人食飯簡直無敵，午餐時段直接入去唔使等位。
今次我點咗餐牌上有👍🏼圖案嘅重慶夜市牛肉炒麵，再加多個小食$25蔥油雞
重慶夜市牛肉炒麵
23 views
0 likes
0 comments
重慶夜市牛肉炒麵，得牛肉炒麵呢四個字先係重點，完全冇辣味，諗唔到同重慶/夜市有咩關係⋯味道唔濃（即係淡）應該幾健康。唔知係唔係驚我有三高呢，都幾細心😅牛肉無牛味，仲有啲「鞋」，而且份量都幾多。如果好食嘅話份量多係一個優點，如果難食嘅話份量多係受罪⋯⋯我又唔想嘥嘢⋯唯有頂埋佢⋯
蔥油雞
28 views
0 likes
0 comments
到個蔥油雞，唔知係咪入邊冷氣太大嘅關係，吹到啲雞凍冰冰，啲雞皮凍冰冰好似食緊啫喱咁。雞肉都算滑，但係冇乜雞味，要靠啲醬汁。我心諗究竟我食緊雞定食緊醬？話就話係蔥油雞，完全冇蔥油味⋯⋯
我上次食嗰四川擔擔麵真係好好食，但唔知點解今次個牛肉炒麵咁，個體驗差晒⋯
Post
