Video
Read full review
2012-01-23
75 views
呢餐飯其實係一餐團年飯，我唔理呢度啲嘢有幾好食，但係服務超級差！話說我媽媽係喺呢間嘢幫趁咗好多次，都叫做熟客，咁佢又唔想咁辛苦煮飯咪去呢間嘢度訂位囉，年廿九，訂7:30，9位，7:40至有枱坐低，15分鐘之內除咗糖水之外全部上齊，我地已經打咗個突，然後食到8:15分已經自動上糖水，我好奇怪就問個阿姐搞咩？佢話張大枱8:30有人訂咗！我話我地坐低唔夠一個鐘，仲有好多雞未食晒，條魚啱啱至食，咁快收嘢，你地仲快過食快餐啦！佢面無人色咁答，過年係咁㗎啦！我話你要做生意我知，我明，但係你要做多兩轉枱你都應該同我媽媽講清楚吖，佢話我阿媽係熟客。我阿媽係熟客？就係因為熟客你覺得佢會無問題？你地間嘢個負責人諗嘢都幾有邏輯喎！你地唔出聲就話我媽媽會明白，你地係咪做生意㗎？呢啲咩邏輯嚟㗎？我從來未試過一餐團年飯食咗8個字，仲要滖水淥腳咁咀都抹唔切走。最慶係老闆娘個副咀臉，連唔好意思都費事講，淨係一味話無辦法！果然係佢嘅生招牌:「鐵石心腸」！難為我媽媽，俾人當你係「熟客」嘅「招呼」，真係一粒聲都出唔到。講到食，嗰隻冰鮮「南乳雞」，過時過節竟然賣450蚊！我媽媽又係以為！以為係食開價，你估你當自己間「石記」係
話說我媽媽係喺呢間嘢幫趁咗好多次，都叫做熟客，咁佢又唔想咁辛苦煮飯咪去呢間嘢度訂位囉，年廿九，訂7:30，9位，7:40至有枱坐低，15分鐘之內除咗糖水之外全部上齊，我地已經打咗個突，然後食到8:15分已經自動上糖水，我好奇怪就問個阿姐搞咩？佢話張大枱8:30有人訂咗！我話我地坐低唔夠一個鐘，仲有好多雞未食晒，條魚啱啱至食，咁快收嘢，你地仲快過食快餐啦！佢面無人色咁答，過年係咁㗎啦！我話你要做生意我知，我明，但係你要做多兩轉枱你都應該同我媽媽講清楚吖，佢話我阿媽係熟客。我阿媽係熟客？就係因為熟客你覺得佢會無問題？你地間嘢個負責人諗嘢都幾有邏輯喎！你地唔出聲就話我媽媽會明白，你地係咪做生意㗎？呢啲咩邏輯嚟㗎？我從來未試過一餐團年飯食咗8個字，仲要滖水淥腳咁咀都抹唔切走。最慶係老闆娘個副咀臉，連唔好意思都費事講，淨係一味話無辦法！果然係佢嘅生招牌:「鐵石心腸」！難為我媽媽，俾人當你係「熟客」嘅「招呼」，真係一粒聲都出唔到。
講到食，嗰隻冰鮮「南乳雞」，過時過節竟然賣450蚊！我媽媽又係以為！以為係食開價，你估你當自己間「石記」係「鏞記」呀？成餐飯食完簡直谷氣谷到上心口！
我話你知，一間餐館有幾好食係重要，不過唔係最重要。有幾舒服寬敞係重要，不過唔係最重要。有幾貴價係重要不過唔係最重要。你地每一個上至老闆下至侍應對每個入嚟顧客嘅「心」呢點係最最重要！！將心比心，陳根記個老闆好過你十倍！佢有一次見我地等位等得耐，二話不說，送汽水俾我地飲。係「心」！記住，凡事唔係用自己嘅角度諗嘢，係用人地嘅角度去諗，生意至會做得長。一味要賺最多賺最盡嘅，永遠都唔會長久！
Post