米角

Open Now

Now Closed

最近去尖沙咀 Sogo 買嘢，發現原來隔離開咗幾間新商店，其中一間就係谷辰，鋪頭面積唔算大，有啲似高級版嘅阿信屋，咩都有得賣，有蔬菜、日用品、零食等等，見有啲肚餓就幫襯下佢嘅飯團。飯團個樣幾吸引，所以買咗兩件試下，而家買兩件仲會送麵豉湯 🥰 有啲款想食可惜賣哂，買咗竹筍黑胡麻溏心蛋同北海道昆布伴鰹魚片。竹筍黑胡麻溏心蛋 ($34) : 超級正 🤤 雞蛋勁流心，每粒飯都都沾滿了惹味嘅醬汁。😍北海道昆布伴鰹魚片 ($28) : 用咗五穀米整非常健康，而且重有好多配料係裏面，好味程度拍得住竹筍黑胡麻溏心蛋。🥰另外可能怕本身包住飯團嘅紫菜會淋，所以每個飯團都會附送一塊紫菜 👍🏻 因為太好食嘅關係，所以再買多兩件食 😋 買咗竹筍黑胡麻溏心蛋同豚肉醬油燒。豚肉醬油燒 ($30) : 呢個比起剛剛果兩個失色好多，味道比較淡之餘飯粒比較乾身同唔夠濕潤。