豆腐主義

Open Now

Now Closed

呢間初開果陣超多人，個個圍晒起門口，原本好有興趣八吓，但實在跨唔過重重人牆，所以最後都未試。近期終於少咗人買，於是就買嚟試吓啦，可惜卻遇到不開心嘅事……先講講我呢間食肆嘅食物先……豆腐花 ~ 我就覺得麻麻，豆味唔太濃，豆化亦唔夠滑釀豆卜 ~ 煎得太乾，咬落去有點硬琵琶豆腐 ~ 釀得幾實淨，味道都唔錯釀豆腐 ~ 豆腐唔滑，味道普通好恐佈嘅同其他各位講嘅一樣，件件豆腐又煎又炸後 d 油多到嚇死人 總括我對呢間嘢係失望嘅，唔係話唔好食得好緊要，只係期待可能過高吧！我去過兩次，我嘅不開心事發生起第一次，果次起門口買咗卅蚊釀豆卜、琵琶豆腐果時，亞姐問我要唔要豆瓣醬，亞姐未等我答已經手起刀落，將豆瓣醬倒咗落盒，但未落盒前，其實我個口已經”bit”咗「唔要」呢兩個字，於是亞姐等一等問「吓？」，我答「我答你唔要喎」，此時門口兩位亞姐你眼望我眼，然後一人一句話「加豆瓣醬好食喎」「辣辣哋開胃呀」「個個都落架」……大姐……咁你又問我？？個個都落唔代表我要落，人哋覺得好食唔代表我覺得好食……我覺得兩個亞姐好驚我話唔要囉……最後我都無要求退……只係返到屋企即刻倒出嚟，我都算好人啩！！