Mamaday Studio (Closed)

之前一直都已經想黎，見到勁多人嚟呢度打卡，環境都幾優雅。間舖頭由佐敦地鐵站行過去會比較近。我自己就覺得呢度最好飲嘅係豆腐咖啡，佢呢杯咖啡唔會有好重嘅咖啡苦味，飲落去嘅時候，口內會充斥着好香嘅豆腐味，少少甜，亦都幾滑，而且佢底下面亦都係有真·豆腐。另外就係叫咗呢度嘅藍苺芝士蛋糕🍰，配上呢個咖啡嘅話我覺得係非常夾，濃烈嘅芝士，每一啖都非常有口感。再之後就係，朋友試咗呢度嘅花茶，呢度嘅花茶真係好出色，佢唔係我哋以前飲過酒，得少少花，然後勁多水，然之後非常淡；反而佢成杯都係花果，所以勁有果香，茶味亦都香濃，兩者配合埋一齊我覺得係非常好。之後亦都叫咗呢度嘅Bagel，配埋Cream Cheese。