豆公館

Open Now

Now Closed

想去嘉多娜買開心果燒餅，途中經過間專做豆品既餐廳比個落地大玻璃同開放式廚房吸引左）又feel到肚餓就入去食D野先。店內裝潢好有中式/公館feel，主要係大地色配木系枱櫈～我地都叫左唔少野食，講明係賣豆既店，一定要試豆漿啦，豆漿味道都幾多選擇，叫左無糖同黑芝麻豆漿，由於無糖關係所以會比較濃但會飲到少少澀味？定係燶味嘅感覺？所以黑芝麻係好飲啲有淡淡芝麻香同埋少少甜味。 等咗一陣就嚟咗一份魚肉煎豆腐，魚肉比較薄但件豆腐就好好味，質地夠滑😋（可以encore) 杞子元肉紅棗黑糖豆腐花，賣相好吸引有兩大片薑、幾粒龍眼肉，豆腐花食落有薑味但唔會太辣幾啱女士！老乾媽炒米粉比較普通，不過入邊真係有好多嘅蔬菜🥬 麻婆腐皮豆漿蛋餅，面頭麻婆豆腐醬有啲鹹同濃味，好難食到中間腐皮嘅味道不過我自己就幾鍾意入邊包住啲銀芽同埋蘿蔔絲令到個蛋餅有口感。 滷水豆腐豆卜淨係熟悉嘅滷水味，不過個豆卜就感覺上有啲油膩、豆腐就不過不失～ 下次經過嘅話可以再試佢嘅豆漿同埋豆腐花🤭