珍心素食豆漿豆腐花專門店 (Closed)

同朋友0係電影中心睇完戲，行過去朗豪坊，途經呢度，見到似係開左冇幾耐，未試過就貪口痕入去試一試。我叫左香濃冰糖腐蓉薏米糖水，哈哈﹗個名好長架特登影完相就輸入埋個名，唔係唔記得，朋友叫左熱豆腐花。呢度好光猛，同出面0既陰天有好大對比呢店員姨姨好街坊feel，好親切，豆腐花黎到先，姨姨就話：「慢慢食丫~」d餐具好新，對我呢個有d潔癖0既人黎講係加分0既~我第一時間食左一啖，mmm....好滑呀﹗味道都唔錯，豆味好濃；過左幾分鐘，我0既糖水都黎左，我又係第一時間食啦之但係，我覺得冇咩味呢……明明係冰糖，但我一d糖味都食唔到咁，我朋友都認同我，所以，我決定問問姨姨，姨姨答：「我地特登唔做咁甜，如果你覺得唔夠甜，我可以俾d冰糖水你加，唔緊要~」跟住姨姨就去廚房拎左一小杯(即係平時超市試飲0個種杯仔)冰糖水俾我，我就倒哂落碗糖水度喇攪拌一下就再試味，啊~終於夠甜味喇腐蓉好滑，不過因為我都係飲開薏米糖水0既人，我覺得呢度薏米0既份量唔夠，一碗20蚊都唔係平，應該可以俾多一d，希望下次去食會0岩口味d啦我覺得呢度好乾淨，價錢適中，應該可以keep到客人繼續食~