珍心素食豆漿豆腐花專門店 (Closed)

最近全家都努力工作，所以又回復日日外食/食外賣既日子，肥左唔少🤭 放假出街想食清d同食平d，就揀左珍心素食豆漿豆腐花專門店🙂➿ 手包粢飯 ($20) *轉三色米 (+$6)粢飯咬開比較鬆散，證明係即叫即包既，油炸鬼脆脆der👍🏽➿ 珍滋味湯 ($46）本來想試香煎黃金豆腐，但原來冇左喇😟 老闆對每枱客都落力推銷呢個佢地自家制、跟足日本做法既豆腐～ 我覺得佢地既豆腐食落真係比平時食到既嫩滑，感覺石膏既成份唔重🧐 仲有額外配發酵過既豆瓣醬同芫荽醬，味道唔錯👍🏽 每次上枱個陣，老闆都會話：「欣賞舊豆腐之前，記住飲兩啖湯先」飲哂碗味噌豆腐湯湯都飽🤭佢地既豆腐仲可以外賣，老闆話可以即叫即整😲 住附近既朋友可以try try啊！➿ 沙嗲素牛肉湯麵套餐 ($54)喺第二間素食餐廳食過既素牛肉仿真度高d，同埋呢度既素牛肉沙嗲味唔重🤨 蕎麥麵就比日式個種麥味冇咁重，但係口感彈牙d😋 所以我覺得相比豆腐，牛肉麵整體黎講遜色d～➿ 薑汁豆漿 ($20)好夠薑，味道又夠真👍🏽