Video
Read full review
2022-11-14
1222 views
女友小熊去柴灣出差，黃昏時問我今晚打算食咩，我自己又忙死，未有時間諗食咩，是是但但叫佢係柴灣買半隻油雞外賣算數，而我打算放工後經過街巿時買半斤豆苗炒，簡簡單單一餐晚飯.返到屋企，炒完個菜，打開個外賣盒，奇怪?點解買半隻油雞居然有雞頭?"係呀!因為我買咗成隻油雞嘛，一隻都只係賣88蚊咋!我咪買一隻返嚟囉!"小熊回答....吓!88蚊一隻?唔係嘛!我去什麼什麼灣仔超人燒鵝買隻油雞一舊水都唔夠俾啦!88蚊咁抵?好唔好食先?所以..... 快快打開個外賣盒，試試肉質如何時先!一個字講哂，正!好多時食豉油雞，雞皮都係有色但無咩味，但冠華嘅豉油雞雞皮都好香甜，可惜我老人家，雞皮少食為妙.依家香港食雞，好多時都煮得過火，因為費事被人投訴，話D雞唔夠熟，換嚟嘅就係雞肉口感過硬又有渣.好好彩冠華嘅油雞整得啱啱好，熟之餘又唔會流失哂肉汁，入口鮮嫩 juicy，連最難處理嘅雞胸肉都煮得唔老，所以一個字，正!以後小熊出差柴灣，都指佢買隻油雞!下次試試d半肥瘦叉燒先.睇怕以後都唔洗去超人燒鵝買油雞嚕....
返到屋企，炒完個菜，打開個外賣盒，奇怪?點解買半隻油雞居然有雞頭?
"係呀!因為我買咗成隻油雞嘛，一隻都只係賣88蚊咋!我咪買一隻返嚟囉!"小熊回答....
吓!88蚊一隻?唔係嘛!我去什麼什麼灣仔超人燒鵝買隻油雞一舊水都唔夠俾啦!88蚊咁抵?好唔好食先?
所以..... 快快打開個外賣盒，試試肉質如何時先!
一個字講哂，正!
好多時食豉油雞，雞皮都係有色但無咩味，但冠華嘅豉油雞雞皮都好香甜，可惜我老人家，雞皮少食為妙.
依家香港食雞，好多時都煮得過火，因為費事被人投訴，話D雞唔夠熟，換嚟嘅就係雞肉口感過硬又有渣.好好彩冠華嘅油雞整得啱啱好，熟之餘又唔會流失哂肉汁，入口鮮嫩 juicy，連最難處理嘅雞胸肉都煮得唔老，所以一個字，正!
以後小熊出差柴灣，都指佢買隻油雞!下次試試d半肥瘦叉燒先.
睇怕以後都唔洗去超人燒鵝買油雞嚕....
外賣豉油雞
49 views
0 likes
0 comments
Post
