一起燒火鍋烤肉店 (Closed)

今日同屋企人行屯門V city，屯門嘅變化真係好大，有好多購物點，亦有好多唔同嘅食肆，嚟個屯門一日遊都不錯呢！行咗大半日，都係時候找間吃晚飯的餐廳，最好就坐得舒服啦，係市中心附近的卓爾居，有不少的新餐廳，屋企人話想食韓燒，就去「一起燒」試一試啦！一入內環境闊落，有卡位可供二人或多人坐，非常舒服，除了有燒烤爐，也有火鍋爐，但枱面夠大可放不少食物，仲放有不少用品供食客使用，服務很貼心呢！這店的烤肉價錢真是不貴， 大部分都是幾十蚊上落。不停點呀點，點到成張枱都係肉， 埋單也不過是每人200蚊鬆啲，食完飽到上心口。牛肉最愛吃這牛肉條， 肉質美味， 雖然口感是乾乾的， 但食落好像有牛肉乾的感覺，加上韓國烤汁嘅味道， 味道非常入味。而豬肉最愛吃這薄切黑毛豬，價錢才不過51蚊，大大碟片真抵食。 肉質方面，脂肪分佈平均，口感食落嫩滑， 豬肉味勁濃郁。羊架也是不錯的選擇，燒到大概九成熟，食落完全沒有羊腥味， 口感一流。至於這裏的甜品，也有多款可以選擇。特別選了焦糖燉蛋，甜甜地嘅焦糖配上香滑的燉蛋，味道豐富。經過這晚嘅一起燒後， 發覺屯門也有咁正嘅餐廳，下次一定都會來幫襯。