Video
Read full review
2018-05-07
1065 views
住緊嘅地方冇咩食肆(一輪大裝修)， 今天要到寶琳站寶林商場換校服， 順便吃晚餐。 寶林邨商場人唔算多，好多街坊小店好親民。 近三樓有間新開吃自助火鍋， 價錢唔貴可以一試。個場好新淨光猛，座位算闊落。醬汁吧有齊各款基本醬料乾淨企理。 甜品櫃暫時只有一款 雪糕。田園蔬菜吧擺得靚靚，整整齊齊。鍋底有很多選擇， 想清潤一下我們選椰子雞鍋 ($198)，足有半隻雞。鍋底沒有多餘的材料就只有椰子塊 ， 莫非想客人放進雞件熬湯? 我們隨即放入雞件， 雞件分量不少。 雞件鮮嫩，並奉上特製沙薑， 呢啲細節位一點都冇忽略，讚! 店員先奉上一盆綜合海鮮， 唔夠可以之後再加。套餐包括多種海鮮及肉類任點。 海鮮有虎蝦， 帆立貝， 白沙蜆，魷魚仲有花膠。所選的鍋底更包括極品牛肉，極上牛肉。 極品牛肉色澤鮮明，薄薄的剛剛好一大塊一啖，極滿足! 牛肉嫩滑冇渣， 帶少少肥唔錯。 極上牛肉較瘦， 相信部位唔同。魷魚鮮嫩彈牙， 蜆花甲雖然偏細隻但都冇沙， 虎蝦正常，肉質鮮甜。花膠亦算厚身無腥味絕無欺場。蔬菜吧嗰邊發現有我們最愛的皇帝菜， 師傅好好心機把菜切成一小段， 唔會一大棵。 條條都經過篩選，幾鮮嫩，放入椰子鍋中更帶
住緊嘅地方冇咩食肆(一輪大裝修)， 今天要到寶琳站寶林商場換校服， 順便吃晚餐。 寶林邨商場人唔算多，好多街坊小店好親民。 近三樓有間新開吃自助火鍋， 價錢唔貴可以一試。
個場好新淨光猛，座位算闊落。
醬汁吧有齊各款基本醬料乾淨企理。 甜品櫃暫時只有一款 雪糕。田園蔬菜吧擺得靚靚，整整齊齊。
鍋底有很多選擇， 想清潤一下我們選椰子雞鍋 ($198)，足有半隻雞。
鍋底沒有多餘的材料就只有椰子塊 ， 莫非想客人放進雞件熬湯? 我們隨即放入雞件， 雞件分量不少。 雞件鮮嫩，並奉上特製沙薑， 呢啲細節位一點都冇忽略，讚!
極品牛肉
17 views
0 likes
0 comments
店員先奉上一盆綜合海鮮， 唔夠可以之後再加。套餐包括多種海鮮及肉類任點。 海鮮有虎蝦， 帆立貝， 白沙蜆，魷魚仲有花膠。
所選的鍋底更包括極品牛肉，極上牛肉。 極品牛肉色澤鮮明，薄薄的剛剛好一大塊一啖，極滿足! 牛肉嫩滑冇渣， 帶少少肥唔錯。 極上牛肉較瘦， 相信部位唔同。
魷魚鮮嫩彈牙， 蜆花甲雖然偏細隻但都冇沙， 虎蝦正常，肉質鮮甜。
花膠亦算厚身無腥味絕無欺場。
蔬菜吧嗰邊發現有我們最愛的皇帝菜， 師傅好好心機把菜切成一小段， 唔會一大棵。 條條都經過篩選，幾鮮嫩，放入椰子鍋中更帶出蔬菜本身的甜味。
當中菇類丸類都唔少選擇， 午餐肉有驚喜， 係好食果隻。
有款自家包製嘅餃子也不錯，裏面滿載木耳絲， 味道調較 得剛剛好。
值得一提佢嘅鯪魚滑做得唔錯，有魚味彈牙 唔鬆散亦唔腥。 另外還有蝦滑和雞滑， 蝦滑蝦膠打得很彈牙。
飲品有啤酒，各式汽水梳打都是任取。
自助吧還有咖啡機， 可提供奶茶，mocha，熱朱古力, cappuccino 。 最後忍唔住撳了一杯 cappuccino ， 冇咩咖啡味，味道有點奇怪。 還是找甜品作結尾。 有款雪糕 好像是本地製作， 我唔認識這個品牌。 我們選了雲呢拿味(應該仲有豆腐味)， 雪糕軟滑，有雲呢拿香，唔係得個甜字。
個窩底滾到最後都唔濃亦唔鹹， 奇蹟地 打完邊爐竟然一點都唔口渴。 可能是餐廳提供的火鍋豉油亦沒有味精，唔算鹹。
這裏還做緊特惠火鍋:星期一至五， $98一位(90分鐘火鍋放題)。 雖則沒有包括海鮮 和某些較高級肉類， 但此等價錢和一些連鎖快餐店的火鍋相比 絕對是抵吃之選 。啱曬街坊街里放工后開餐返屋企又夠近。 可以在我住的區域開分店就好了!
Post
