極品煮意 鷄煲.烤魚.火煱 (Closed)

行過葵芳運動場附近，見到大大個廣告牌好吸引，雞煲，烤魚及多款湯底選擇，勁食勁飲，相當便宜，緊喺要去幫襯吓。上到樓上，地方寬敞，座位擺設算多空間。入口處放置張小食枱，都有十多款小食及糖水讓客人自選喜愛食物。另外仲有幾個大雪櫃盛載幾十樣火鍋食物，飲料種類之多， 連啤酒都任飲，硬有一款啱你。坐底後我哋選咗酸菜魚煱，鯇魚尚算鮮味，味道微酸帶辣好惹味，令胃口大開。吃過魚煱後再去挑選其它火煱配料食物打邊爐，種類之多，吃得不知幾滋味，另有任點任食嘅肥牛，羊腩片，鯇魚片等。另有附加款項可升級任食美國桶蠔，新鮮海蝦，牛頸脊片，金錢展等上品食材，客人按喜愛自選，豐儉由人。最欣賞佢哋嘅小食，不停換上各式各樣小食，其中白雲豬手，雞件非常好味，而紅豆糖水及西米露嘅二款甜品好香濃，可舒解吃過辣味食物，令喉嚨順晒。