蒸蒸日上倫哥私房菜 (Closed)

其實我之前好怕食雞煲，因為每次啲人食完雞煲之後，個身係會有一陣油益嘅味道🤢形影不散！同埋成日覺得雞煲好油膩，又肥又鹹，根本就唔明白有咩咁好食。不過有朋友同我講，「倫哥」個雞煲同出邊好唔同，包我鍾意😅咁就不妨試一試啦。Book好枱大概六點幾嚟到呢間分店，雖然我哋係第一次嚟，不過侍應哥哥俾人一種好親切嘅感覺，話：有乜需要就搵我啦！而佢真係會幫得上忙，唔會叫極都無人應果種。所以對呢度第一印象已經不錯👍🏽雞煲之前有啲小食，冇諗過會有鮑魚、蒸蟶子呢d welcome 小食 🤩 到食雞煲，又真係唔係好油膩，重點係啲雞唔太肥，又唔會過分鹹，少少辣，味道啱啱好！真心正！同埋可以不斷refill 😆 真係實在令人大滿足！到打邊爐，海鮮配料非常豐富！最後食到捧住個肚走，哈哈！